Tonu Maria tungah zahtakna pen singkung khat tawh ki teh thei

Tonu Maria tungah zahtakna

Hun piak kul
Tonu Maria tungah zahtakna cih singkung khat, na lungtang sungah na suan khit nak leh ama adingin a kicing huih siangtho a ngah na dingin suahtakna zong ki sam hi.

Huan cing hoih
Tonu Maria tungah zahtakna cih singkung hong hing ciangin nang huan cing hoih khat na hih kul hi. Tua huan sung a singkung te puah ding hah ding vaipuak na nei hi. Bang hang hiam cih leh hi singkung in nuntakna a neih ban ah gah zawhna zong nei hi.

Ki piakkhiatna
Tonu Maria tungah zahtakna cih singkung, gah agah nadingin a susia thei ahi, singkung kim ah a po lingkung te, kiat te puah ding, a zung pan bot ding ki sam hi. Cih nopna ah eite in a kisam lo gualnopna te i paihkhiat kul hi. Lamkhat pan gen leng eite ii ahoih lo lunggulhnate khempeuh singlamteh tungah ih kilh ding ki sam hi.

Ei leh ei ki khual lua lo ding
Singkung a susia thei lungnote zong ih phawk ding kisam hi. Tua lungno te in ei leh ei ki khual luatna, nuamtak aa om na te ahi hi. Amaute in singkung ii a teh te ne-in a gah na ding lam etna zong susia zo uh hi.

Mawhna te muhdahna
Tonu tung ah zahtakna cih singkung a susia thei ganhingte zong singkung gei ah pai sak loh ding ki sam hi. Tua ganhingte in mawhna te gennopna hi. Amaute’ khoih khakna bek tawh zong singkung si sak zo hi.

Tui leh eklei piakna
Nuntakna singkung a dingin tui buak den ding a kisap mah bangin eklei piak ding zong kisam hi. Mawhsutna leh Siangtho Pumpi sanna te bek hi lo, nisim thungetna te khat kia bek hitaleh mitam tawh hitaleh ngetna in nang ii Tonu tung ah na koih zahtakna cih singkung pen tui leh eklei a piapia na hi hi.

Ze-etna te thuakzawhna
Singkung in huih hangin a ki liing hun om ding hi. Ni satna hangin a vuai hun zong om ding hi. Huihpi zong thuak ding hi. Vukte, leivui te tuamcipna zong thuak ding hi. Tonu tungah zahtakna cih singkung a kip na dingin haksatna, ze-et na tawh ki tuah ciangin lau lo-in thuak zawhna neih nading zong ki ging ding kisam hi.

Topa Jesu = Sing gah
Singkung i suan ciangin gah hoih a gah ciangin i lungnuam hi. Tonu tungah zahtakna cih singkung ii gah in Topa Jesu ahi hi.
Tonu Maria tungah zahtak piakna cih singkung tung pan Topa Jesu ahi, a gah a nei zo dingin Topa’n thupha hong pia ciat ta hen.

Add new comment

2 + 1 =