Thungetna tawh haksatnate kantan na

Thungetna tawh haksatnate kantan na

Pope Francis in mipite tawh a kimuh khopna ah thungetlaitak aa aki thuak thei haksatnate kantan zawh na dingin cihtakna ki sam hi ci-in gen hi.

Pope Francis in ni thum (Wed)ni- in mipi tawh a kimuh khopna ah thu ih nget ciangin a kithuak thei zel  haksatna nam (3) gen hi. Tua te in, lungsim vakvaina, Pasian thu (kha tawh kisai) sungah thanem lua ing cih ngaihsutna, thu ngetna ah lunglut lo/cimtak na cih te ahi hi.

Lungsim vakvaina

Lungsim vakvaina in thu nget hun sung bek hilo in ih sep ih bawlna sungah zong aki tuak thei khat ahi hi. Mihingte’ lungsimin thu khat sungah hun sawtpi lunglut na ding haksa mahmah hi. Tua in dawi ze-et na hi a, ih lungkiat pah leh bangmah hoihtak in ih sem zo kei ding hi.

Pope Francis in a genna ah lungsim vakvainate in mawhna ahih loh hangin ih palsat zawh ding kisam hi. Tua bangin ih palsat zawh na dingin cihtakna ki sam hi. Topa Jesu hong pai ding hun ki theikhol lo ahihmanin lawptakin leh ciimtak in ihsep ding vaipuakte lunglut takin hanciamin sep ding kisam hi.

Pasian thu sungah lunglut lo-in kha thanemna

Thungetna in eite tungah bangmah phattuamna hong pia lo, lungsim thalawpna leh nopsakna te hong pia lo hi cih bangin muanlahna in thu ngetna ah lunglut lohna, kha thanemna ahi hi. Ahi zongin ih lungsim tawng pan hongpiang ahi lungsim palangna tawh ki bang lo hi.

Khat veivei ciangin Pasian in ei te nuntakna sungah kha thanem na hong thuaksak hi. Tua bang hun ciangin ei te in Pasian tungah ih upna ih ap ding kisam hi.

Khat veivei, Acedia cih lunglut lohna pen thadahna in thungetna tawh a kilehbulh banah a picing Christian nuntakna pen hong thanemsak zaw thei hi ci-in Pope Francis in gen hi.

Thu ngetna sungah cihtakna

Thu ngetna ah thalawpna leh lungkiatnate khat khit khat ih tuah ciangin thungetna ih zopsuak na dingin Pope Francis in Christiante hong hanthawn hi.

Misiangtho khempeuhin tua bang haksatna te na paltat khin zo uh hi. Thu ngetna leh amaute’ gentheihnate ih zak ciangin lungkiatna in ih neih loh ding kisam hi.

Tua bang hun ciangin thungetna ah ih kip na dingin Pope Francis in gen aa, thu um mi te in cik mah hunin thunget khawl ngei lo uh hi ci-in gen beh lai hi.

Job bangin Pasian tungah phunin ih lungkim lohnate ih genkhia phial zongin, tua bang haksatna te a bei ciangin Pasian in Job thungetna a dawng mah bangin ei te zong hong dawng ding hi cih ih thei hi.

Pope Francis in Pasian in ih haksatpen hun leh ih lung gim luatna te ih pulak na te ah Pasian in “Pa” khat ii it na tawh kemcingin upna nasepna khat leh thungetna khat in hong ciaptehsak ding hi ci-in a thugen khup hi.