Misiangtho Felix Pawini. (August – 30)

Mi siangtho Felix in Roma Roma Siadaw khat ahi hi. Felix cih min ii a khiatna in “the happy one”, ‘a nuam den pa’ cihna hi. Felix pen Pasian tung ah a upna khah suah vetlo a, a sih pih, Diocletian bawlsiatna sung ah simmawh genthei a thuak kha, a nuntakna a pia mi siangtho ci’n ki ciamteh hi. Bawlsiat mai mai hilo a, Pasian’ a ding ngawng tan na thuak hi.

Felix a ki thah na ding mun lam a zawtna ah, a en te lak pan mi khat, nakpi tak in a lungsim sukha in, “kei zong hih mi pa’ pulak, teci pan Jesu Christu a um mi khat ka hi hi. Kei zong a mah tawh ka si khawm nuam hi. Hong man un,” ci’n a lamdang pi khat in Pasian a ding a nuntakna a pia ngam khat na om hi. Tua ciangin thu khen ding te’n amah zong man a, AD 274 kumin, a nih un ngawng tanna ki zom in thahna thuak uh hi.

Tangthu kan te gen bang leh, Ostain lam, Commodilla han ah amau te gel na ki vui a, Pope Saint Damasus hun ciang, a han uh puah kik in, han mual suang a thak bawl sak kik uh hi.  Pope St. Siricius hun ciang han mual suang na behlap leuleu hi. Pope Leo III in Rome khua, amau te gel ki vuih na St. Paul Basilica gei a, Commodilla han tung ah, phawkna biakinn khat na lam hi.

1905 kum in a han uh ki to kik a, han mual ah, “Felix (a nuam den pa) ci a, man tak leh kho tak a, min ki phuak pa, Christu a ding nuam tak in teci na pang a, vantung gam a zong pa na hi hi. Nang in leitung kumpi te lang pangin, lungkia sak liang in na upna pelem lo a, pulakin na nuntakna a pia pa hi teh. Tuamah bang in a min a ki thei lo, nang tawh a si khawm ih sanggampa zong a upna in vantung gam ah tun khin zo hi” ci’n ki gelh hi.

Misiangtho Felix aw…kote adingin thu hong ngetsak in.