Thungetna leh nasep kizop zia

Moses in Joshua kiangah, “Eite’ aadingin mi teel inla, paikhia-in Amalek mite tawh kido in; zing ciangin mual tungah ka khutah Pasian’ ciangkhut tawisa-in kei ka na ding ding hi,” a ci hi. Tua ahih manin Moses in ama tungah a gen bangin Joshua gamta in, Amalekte tawh kido uh a, Moses, Aaron le Hurte mual dawn ah a kahto uh hi. Moses in a khut a laptoh laiteng Israel mite gualzo uh a, amah in a khut a niamsak ciangin Amalek mite in a zo uh hi.
Ahi zongin Moses’ khut a kham ciangin suang khat la-in a nuai-ah koih uh a, amah a tungah a tu hi. Aaron le Hur in a pang khat tuak panin ama khutte lenin a domtohsak uh hi; tua ahih manin amah in nitum mateng a khutte a lam suak zo hi. Joshua in Amalek le ama mite namsau tawh a vatmaai zo hi. Tua ciangin TOPA in Moses’ kiangah, “A kiciamteh den dingin hih thu laizial sungah gelh inla, Joshua zasak in; bang hang hiam cih leh van nuai panin Amalek mite phawkna ka phiatsiang kiuhkeuh ding hi,” a ci hi. (Pai 17: 9-14)
Sepkhiatna cih “nasep” in anihna ah hong zuih leh “lametna” tawh eite in a tawntung in thu ih ngen thei hi. Pasian in thungetna tawh ahoih pen lampi te hong zangh sak nuam hi.
Moses in ‘tui’ ngah nading bekin thu a ngen hilo hi. Suangtumpi pen a teipi tawh sat kul lai hilo ahi hiam? (Number 20: 11)
Moses in galdo na a zawh na ding bekin thu a ngen ahi kei hi. Gal do dingin Joshua kuansak hi. A zenzen in Moses in mual tungah khuk dinin thu ngen lo hi leh Joshua ii gal do na in zong amawkna suak ding hi.
Tua ahih manin eite in gualzo nuamin, ih ma i tut nop leh eite sunga om Moses in thu anget ding ahih banah eite sunga om Joshua in zong gal a do kul/ na asep kul hi.