Thungetna

Thungetna in ei ii deihna te ngetna bek hilo hi. Thu I nget ciangin eite in Pasian khut sungah Topa na deih bangin hong zangin ci-in ki-ap na ahi hi. Eite lungtang tawng sung pan Pasian ‘aw’ ngaihna ahi hi. Tua bangin Pasian ‘aw’ ngaihna pen thungetna ki ci hi.
Thungetna dingin a kisam masa pen in (Silence) lungdaihna ahi hi. Thu angen den te in a lungdai mite ahi hi.
Eite in Topa Jesu tawh ki ho theih na dingin a hanciam I hih banah ei ii kiim leh paam a om mite tawh hoih takin koi ci ki kholh theih, ki ho theih ding cih te pen Lungdai takin om na tawh I thei thei ding hi.
Thu angen den mi in upna khangto ding hi. Upna khangto leh itna khang ding hi. Tua itna hangin gentheih haksatna a tuak mite, a zawngkhal mite huh nopna lungsim I lungtang sungah hong om ding hi.
“Topa aw, leitung mun tuamtuam ah khat kia lungnem a om mite, gentheih haksatna a tuak ulehnaute ka huh zawh nang un ko te thupha hong pia in. Nang ii Pasian itna, ko te ii hehpihna te hangin amaute in lungnopna leh hehnepna ngah ta uh hen.”
Vantung thungetna ngen in tua thungetna bangin nuntakna in a siangtho Misiangtho te nuntakna ah kalsuanna ahi hi. Vantung thungetna sungah Pasian, eite khat ciat leh I kiim I paam a om mite khempeuh ki hel hi. Eite in Vantung thungetna I nget sial in Pasian in eite khat ciat ii min a kigelh ama khutpekte sung en in “na mu uh hiam, kong it ka ta te, note khat ciat ii min ka khutpekte sungah itna tak tawh ka ciamteh hi” hong ci ding hi. (Is 49: 16) Hih thu I et ciangin Pasian in eite khat ciat tungah a lamdang diak itna tawh hong it hi cih I tel thei hi.
Mi khat in hotkhiatna ngah na dingin a kician pen in bang hiam ci-in hong dong ngei hi. Ken zong hotkhiatna ngah nading a thupi pen in Pasian it in. Anihna a thupi pen in thungen in ci-in ka dawng hi. Thungetna hangin eite’’ nasep te hong nawngkai sak peuhmah lo hi. Eite in thunget kawmin na I sem ding hi. (Mother Theresa)