Singlamteh ciaptehna leh Dawi mangpa

Misiangtho Gregory in (AD 225-270) kumin a tuak thu khat om hi. Amahin Asiaminor a om Nousara khua ah Pasian thu gen dingin a pai na lampi ah huihpi tuak ahih manin dawi biakna tau khat ii gei ah tawlnga hi.
Tua dawi tau pen khua sung mi te in bia den uh ahih manin dawi te lawp thei mahmah uh hi. Tua dawi te in tua mun ah apai mite, tawng den, lauphawng den uh hi. Misiangtho Gregory leh a lawmte zong tua bang mah in lingphawng gawp uh hi.
Misiangtho Gregory in Singlamteh ciaptehna bawlin dawi tau kiim teng tui sing tho theh hi. Tua ciangin dawi te aw ki za nawnlo in Misiangtho Gregory leh a lawmte nuam takin ih mu thei uh hi.
A zing ciangin khua mi te, dawi bia dingin hong pai uh ciangin a zak zel uh ahi dawi te aw za nawn lo-in dai khipkhep hi. Tua ciangin Misiangtho Gregory in dawi te om nawn lo hi, Topa Jesu min tawh ka hawlkhia zo hi ci-in khua mi te gen hi.
Khua mi te in amaute in vanglian hi ci-in a up uh dawi te na ngawn a zo Topa Jesu thu thei nuam mahmah uh aa, Misiangtho Gregory kiangah dong uh hi. Misiangtho Gregory in zong Topa Jesu thu gen ki panpah aa, Topa thu a theih uh ciangin khua zang bupin Christian suak uh hi.
Tua ahih manin Sianglamteh ciaptehna bawl ding maizum kei in. To Thum Pasian khat ii min nalawh kawmin lunglut takin bawl lecin, Singlamteh ciaptehna in vaang nei in, vaang lian takpi hi cih phawk denin.