#Piakkhiatna

Piakkhiatna

“Midangte tungah ih piakkhiat ciangin bangzah piakhia ih hi hiam cih sangin itna bangzah tawh pia khia ih hi hiam cih thupi zaw hi.” (Mother Theresa)
Na piakkhiat ciangin tavuan khat tawh piakkhiatna hi lo-in itna tawh piakhia in.
Na piakkhiat ciangin tampi na pia zo kei phial zongin tawm bek ahi zongin piakhia in.
Na piakkhiat ciangin nang ii itna a theih na dingin pia in.
Na piakkhiat ciangin nang ii ki piakkhiatna taktak hong hi sak na khat peuh peuh piakhia in.
Na piakkhiat ciangin kikhelna a hih na dingin pia khia in.
Na piakkhiat ciangin bang zah vei piakhia khin cih sim lo-in piakhai in.
Na piakkhiat ciangin paulap bang mah omlo in pikhia in.
Na piakkhiat ciangin nang leh nang kiphat lo-in piakhia in.
Na piakkhiat ciangin hong ki nget loh hangin pia khiain.
Na piakkhiat ciangin a kisam mahmah mite tungah piakhia in.
Na piakkhiat ciangin “kei hong huh” cih thuneihna tawh hen lo-in piakhia in.
Na piakkhiat ciangin ngah kik ding lametna koih lo-in piakhia in.
Na piakkhiat ciangin na lungsim khempeuh tawh pia khia in.
Na piakkhiat ciangin na nuntakna lampi hong hih na dingin piakhia in.
Na piakkhiat ciangin bangzah pia na hi hiam cih sangin itna bang zah tawh piakhia na hi hiam cih thupi zaw hi.

Add new comment

1 + 3 =