Nuntakna in kikhel na hi

“Nuntak nading in ki khel kul a, ki cin/picin na ding ahihleh ki khel den kul hi.”
Pasian in mihing khat kimciat amah tawh kituak thupha pia hi. Lenggah huan pen ahoih penin hahin a kung hoih te asuan mah bangin hoih takin enin puah hi. Tua lenggah kung hong khansuahin gah hoih tampi a gah ding Pasian in lamen hi.
Pasian lamet bangin ih hih zawh nading, ih gualzawh nading in ei lampan eite nisim nuntakna sungah hoihna phatna te ih teel siam ding kisam hi. Eite’ upmawh bangin anungta hi lo-in Pasian kammal bangin ih zuih ding, ih nuntak ding kisam hi.
Topa Jesu in nang’ deihna/ nang ut na bangin kalsuanin, zui-in hong ci lo-in “ka nung hong zui in” ci hi.
Nang leh nang ki um in ci lo-in, “kei hong um in” ci hi.
Nang ii thuman bangin om in ci lo-in, “kei-in thuman thu tak ka hi hi” ci hi.
Nang ii nopsak bangin om in ci lo-in, “mihing in leitung khempeuh a nei zongin a kha nuntakna khahsuah leh bang phattuamna om ding hiam?” ci hi.
Tua ahih manin mihing nuntakna in eite’ deihna bangin ih ut ut in a ki nungta hilo a, Pasian deihna, Pasian kammal bangin kikhel in nuntakna ahi hi.