Nu leh Pa te vaipuak

Nu leh Pa te vaipuak in bang teng hiam?

Tanu tapa te in Pasian a it nading, a zahtak nadingin thu hilhin lamlahna in Nu leh Pa te ii a thupi mahmah vaipuak hi.

Ki teenna ii ngimna in nikhat ni ciangin Pasian tawh ki pumkhat kikin, tu leh ta te in Pasian a it, a zahtak nading un thu hilhin pattah ding ahi hi.

Ki teenna ii amasa pen ngimna in tanu tapa te leitung ah hong piangkhia sak ding ahi hi. Tua ahih manin hih ngimna bangin sem lo-in lungkia in om na in hoih hetlo hi. Tua banga om na in Pasian thukham leh mihing hihna te langpangna ahi hi. Tua in mawhna lian khat ahi hi.

Tua ahih manin nau neih theih loh nading in dal na te, nau suksiat na te, naubu suksiat na te pen mawhna lian hi-in Sacramentu palsatna ahi hi.

Nu leh Pa pawlkhat te in ta te adingin sum leh paai, neih leh lamh bek thupi sakin, hanciam in nei-in ta te hoih takin makaih ding, pattah ding hun pia lo uh hi.

Nu leh Pa te in ta te adingin a hoih pen piakding in Pasian itna ahi hi. Upna, pawlpi tawh kisai theih huai thu te tawh thu hilhna, pattahna in Nu tungah tampi kinga hi.

Nu khat in a ta te hun a piak sangin inn veng te tawh mi thu gensiatna, vai tuamtuam hangin vakvakin amah leh amah a lungnop nadingin a cingtaaklo mi khat bangin om in ta te thu don lohna in Pasian mai ah thukhen na thuak ding hi.

Pasian maiah thusitna thuakhun ciangin, “Amaute tawh ka omkhop laitakin, nong piaksa mite nangma min tawh ka kem zo a, amaute ka cing zo hi. Lai Siangtho a tangtunna dingin amaute’ lakah kisiatnapa khat longal adang khat beek kisia lo hi” (Jn 17: 12) ci-in a gen zo, ahoih Nu leh Pa te in bangzah takin lungnuam ding ahi uh hiam.