Nang leh kei aa ding thuhilhna

RVA thu hilhna cih thulu nuaiah nang leh kei aa ding cih tawh thuhilhna

1. Mihau khempeuh mipil hi ci aa , a gen khempeuh uh zuipah lo-in, zuih dingte khentel  ni.
2. Pasian na sepna (Missionary)pen sum leh paai a baih aa ngahna hi ci-in a hanciam mi hilo aa, upna taktawh sepna ci-in a hanciam mi hi ni.
3. Sum le paai hauhna tawh u leh nau lawm le gual a zong mi hilo in, itna taktawh lawm leh gual a zongte hi ni.
4. Zi le Pasal dingpen itna bek mahtawh  zongin, vang neihna leh hauhna lunggulhna tawh a zong mi hi kei ni.
5. Ih Gam leh Pawlpi in kei aa ding bang phattuamna hong piathei cih sangin, kei mahin ih Gam leh Pawlpi aa ding bang phattuamna semthei cih hanciam zaw ni.
6. Midangte, na sepna tungah gensiatna ih neih sangin, Midangte, nahoih sepkhiatna pen pahtawi siam ni.
7. Minphatna ngahna ding lunggulhna tawh midangte aa ding na ih sep sangin, itna leh deih sakna taktawh midangte aa ding phattuamna a semte hi ni.
8. Mihingte muhna sungbekah mihoih ih hih sangin, Pasian muhna sungah zong mihoih a hi dingin hanciam ni.
9. Thukham leh thukhunte zuihna in guallelhna hi ci aa ngaihsut sangin, Thukham leh thukhunte zuihna-in lungkhamna leh buaina tawh hong kipelhsak ahih lam phawkin zui ciat ni.
10. Midangten, Pasian Bia ci aa mi hihdan sepse sangin, upna leh pilna taktawh Pasian a Bia ih hihna ding hanciam ciat ni.

Hih thuhilhna a za a ngai mimal kimciat tungah a telsiam ding leh a nuntak pih dingin ih Topa Pasian in thupha hongpia kim ciat ta hen. Amen.

Add new comment

11 + 8 =