Mainuai Tonu Pawi ah Rev. Fr. Dominic thugenna 5. 2. 2022

Mainuai Kilemna Tonu Pawi Kong it thuzui nu leh pa, u leh nau te kumsim aa ih bawl ahi Kilemna Tonu Pawi pen tuni(Feb.5) ni-in Kalay Diocese hong cing hong keem Bishop Felix makaihna tawh, Siampite, Deaconte, Sisterte, Thuhilh Sia te leh Thuzui a paithei sun tengtawh nop citak leh namtui takin ki bawl thei ahih man in ih Biak Pasian leh hong huh hongpanpih tawntung ahi Nu Tonu Maria tungah lungdam ih ko phapha hi. Missa biakpiakna Bishop Felix in hong makaih in, Rev. Fr. Dominic in hanthotna hong nei hi. Missa Biakpiakna a man khit ciangin Kalay Diocese hong uk Bishop Felix in Kilemna Tonu Tuisiang thupha hong piaksak hi. Rev. Fr. Robert Hau in Tonu tung aa laikhak a kigelhte apna leh halna hong neihsak hi. Hamsatna tampi kawmkalah Tonu in honghuh in mipi zong kumdang zah a om loh hangin nopci mahmah hi. Hih Pawi aa hongpai mimal kim ciat tungah Tonun' lungmuanna leh kha muanna, kilemna tawh hong kidim sak aa, hamsatna tuamtuam tawh a hong ki hel theilo thuzui a kua mahpeuh Tonu in kilemna leh lungnopna thupha tawh hong kidim sak tawntung nading leh ih gamah ki-itna leh kilemna a om theihna dingin thungetna tawh ma pang cit ni. #Mainuai, #Tonu, #Kalaydiocese, #RVATedimservice,