Nang ii a siangtho Missa kahna hong ki khel sak ding Misiangtho te’ gen kammal (12)

1. Missa biakpiakna a ki bawl laitakin Missa biakpiakna Pasian tau in vantungmi tampi te tawh kidim in amaute in Missa bawlna Pasian tau tunga om biakapna pen bia uh hi. (St. John Chrysostom)
2. Siampipa in Missa biakpiakna a bawl laitakin vantungmi te in amah huhin panpih uh hi. (St. Augustine)
3. Pasian tungah ih kisap thuphate nget ding a hoih pen hunin Siangtho Pumpi a ki laptoh laitak hi. (St. John Bosco)
4. Missa biakpiakna in Topa Jesu in singlamteh tungah eite ading hong sih mah bangin man genzawh loh biakna hi. (St. Thomas Aquinas)
5. Misiangtho Theresa in Pasian hoihna phatna te in hong tuamcip ciangin Topa tungah koi ci bangin lungdam ko ding ka hi hiam ci-in Topa kiangah dong hi. Tua ciangin Topa in Missa biakpiakna khat vei kah thuah in ci-in dawng hi. (St. Theresa)
6. Ka tapa in a siangtho Missa biakpiakna a huh te khempeuh it hi. A zenzen in a kisap leh Missa biakpiakna a kah uh tawh ki zui-in Topa in sihna thuak ding hi. (Tonu Maria in Misiangtho Alan kiangah)
7. Siangtho Pumpi Sacramentu ih san laitakin eite, a lamdang diak lungnopna, ki cinna te tawh ih pumpi mahmah hong thalawp sakin siangthona ah hong tun hi. (St. Jonh Vianney)
8. Siangtho Pumpi zahin hong siangtho sak na khat bek omlo hi. A zenzen in hi sangin a siangtho, athupi zaw a om leh Pasian in eite hong piaksa hi ding hi. (St. John Vianney)
9. A zenzen in kipiakkhiat ding a kisap leh zong nisim in thalawp takin Missa kah in. Ih Pasian in ama thupha te tawh nang hong pahtawi ding hi. Tua banah na sep na bawlna te ah hong lawhcing sak ding hi. (St. John Bosco)
10. Eite, Missa biakpiakna ah ih kihel na in Khuai te in Paak te a tuam mah bangin ih kha pen itna vaang tawh hong tuam ding hi. (St. John Vianney)
11. Hih leitungin Ni om lo-in nungta leh ol zaw ding hi. Ahi zongin Missa biakpiakna om kei leh eite’ nuntakna in baih lo ding hi. (St. Padre Pio)
12. A zenzen in Missa na tel takpi leh lungnopna hangin na si zo ding hi. (St. John Vianney)