Muh kholhna leh gelkholhna

Muh kholhna leh geel kholhna a om lohna munah mihingte kisia hi.Pau 28:18 Ih nuntak pih dingin kong hanthawn nuam hi. Mihing nuntakna pen ngah hak mahmah, manpha mahmah hi. Laphuak siam khat in bang na gen hiam cih leh vanpan aa hongkia guah mal leh lei aa a ki tung phim dawn a ki suk khak ding hamsa mahmah hi tulvei ah khat vei zong kisu kha lo hi. Tua mah bangin mihing nuntakna in ngah hak mahmah in olsan lo hi manpha mahmah hi cih laphuak siampa ii ongsak late tungpanin ngang leh kei in ah ih nuntak n ate mu khol ni gel khol ni. Ih kha aa dingin gel khol ni. Nu le Pa te, Pi le Put e, khangnote, na Topa na Pasian uh na nusia uh aa lungkham in liangvai in na dah uh hi. Jermaiah kamsangpa in a thuhilhna Jer 2:19 na-ah “Limtakin ngaihsun in gelna in hauhna lampi ahi hi”. (Pau 21:). “Geel siamna tawh galte kizo a, ngaihsut siamna tawh gualzawhna kingah hi.” Pau 24 sungah thuzuiten ih mu dimdiam hi. Tua ahi man in Lai Siangtho pen sim bek ding hilo in ih nuntak pih ding ahi hi. Kumkhat aa ding ngimna ih neih leh buh cing ding, kum sawtpi geelna ih neih leh singkung suan ding, kum za aa ding geelna ih neih leh ih mi namte, ih naupangte aa ding, ih tuailaite pattah siamding cih Sente paunak ah ih mu thei hi. Tua leh ih leitung nuntak na pen tawmvei sungpeemta bang tuikhu bang hi hang. Nuntakna bang hun the bei ding cih genkholh thei hi lo a ki gingkholsa in om ding. Tua ahih man in khangnote ei hun pen pilna siamna kidemna hun Software Age, thatang hat kidemna hun Hardware Age hi nawnlo hi cih phawk siamni. Leitungah mihau mipil misiam tampiten Leitungah khang khom dingin na tampi sem uh hi. Ahi zongin a Kha aa ding a semlo zong om veve hi. Italian gamthu a siam mahmah khatin a sih ding ciangin na khempeuh ki gingkhol mah hi ven ka zi ka ta te leh gam tampi aa ding ki gingkhol mah hi veng ka sih kuan aa ding ka kha aa ding ki gingkhol keng ei ci-in a zi leh a tate vaikhak hi. Pasian zong man lo in hauhna bek bek a zong mihau khat pen Topan a nuntakna a lak ciangin a neihsate a mawkna hi. Biakna sungah a khangkhia mite Topa in mailam nuntak zia dingte ahoih pen in geelsak den hi. Ukna, pilna leh cihtakna zong Pasian thusungah om hi. Mailam nuntakna ding a hoih pen in bang hiam cih leh Pasian tawh mapang khawm ding. Ci-in Bishop Felix in thuhilhna leh tha piakna Tuimang khua ah nei hi.