Misiangtho Theresa Kiangah Sinin

Haksatna te hangin nathum natau leh Misiangtho Theresa kiangpan sin in.

Hi laite pen 1896-1897 kum, phalbi hun sungin Misiangtho Theresa in a gelh ahi hi.

Carmelite nungak siangtho sang ka lut ma in zingsang ka thawh simin ka ngaihsut thu in nikhat sungin ken bang teng ka khol khin hiam?

Lungnopna maw, (ahihkeileh) gentheih haksatna te ka kholkha hiam? ci-in ka ngaihsun hi.

A zenzen in haksatna (problem) te bek ngaihsun in hileng ka lung hong kia hi. Tun Carmelite sang ka lut khit ciang ahih leh tua te ki lehbulh pah hi. Kei hong ngak natna satna, lunggimna te ka ngaihsutna hangin ka lung hong nuamsak in ka tha zong hong hatsak hi.

Bang hang hiam cih leh ka thuak natna satna te in Topa Jesu ka itna teci ka lah nading in hong panpihte ahih banah kei ii kha thu sungah ka ta te adingin Pasian itna angah nading uh ahi hi.

Tua khit ciangin ka ngawngah ka aok singlamteh namin ka puan ka silh ciangin tua singlamteh ka lukham tungah koih in Topa Jesu kiangah ka gen hi. “Ka Topa Jesu aw…nang mahin leitung ah gimna haksatna tampi tawh kum (33) sung na nuntakna na piakhia khin hi. Tu in nang na tawlnga in. Kei mahin natna satna thuakin nang tangin ka pua ding hi.”