Mawhsutna Sacramentu hoih takin san theih na ding lampi nam (5)

1/ Na lungsim sit tel in.
2/ Lungsim takpi tawh na mawhnate kisikkik in thuum in.
3/ Na mawhnate Siampipa kiangah pulak khia in.
4/ Na nuntakzia kikhel ding khensat in.
5/ Na mawhnate na pulaak khitteh Siampipa hong piak mawhna daan lohna sem/bawl in.
Mawhsutna Sacramentu na san na hangin na pumpi, na lungsim, na kha, na lungtang cidam ta hen.
Mawhsutna maan
Khat vei, Nupi khat Fr. Padre Pio kiangah pai-in a si khinsa a pasal’ kha ading thu a ngetsak na dingin huhna ngen hi. Siampipa in tua nupi nu kiangah khuisa kawmin hi bangin ci hi.
“Ka lung bel nuam kei. Na pasal gimna neu sung ah tung hi” ci hi.
Nupi nu in bang hangin gimna neu sung tung ding ahia...aman a sihma in mawhsut hi a cih leh Siampi pa in “na lawmpa in a khangno lai pekin Pasian sapna a ngah khat hi. Ahi zongin amahin lungsim khauhin Pasian sapna ngai lo-in mawhna sungah ki diah hi. Mawh a sut ciangin zong a mawhna pawlkhat genkhia lo-in im aa, kisikkikna tawh zong mawh sut ngeilo hi” tua ahih manin gimna neu sung tung hi, ci-in gen hi.
Mawh sut ciangin ih mawhna te kisikkikna takpi leh ki khel takpi ning cih lungsim neilo pi-in mawh ih sut hangin phattuamna omlo hi. Kisikkikna takpi tawh hoih tak a mawhsutna bekin na kha adingin phat tuamna hong pia ding hi.