Lungduaina

Siangtho nading leh tu sanga a hoih zaw mi suahzawh nang na hanciam leh na lungsim khempeuh, na pilna khempeuh tawh Pasian a it na hihna ki langh hi.
Mun khempeuh, vai khempeuh ah lungduai ding na hanciam leh na vengte tungah nang leh nang na ki-it bangin itna na neihna ki langh hi.
Banghang hiam cih leh itna ii adang minin lungduaina hi.
Gilkialna ah na lungduai leh zehtanna hipah hi. Lunggimna ah na lungduai leh a citak mi na hi hi. Midangte tungah na lungduai leh thuakzawhna anei mi na hi hi. Na lunggulhna te ah na lungduai leh thungetna hi pah hi. Nang’ lungsim ngaihsutna te tungah na lungduai leh mittui a piang hi.