Lung kialo cih thu tawh tha piakna

Lung kia lo..!

Mun khempeuh nuamkim lo a,

Hun khempeuh lemden lo hi.

Mi khempeuh nuamkimlo a,

Theih khempeuh mankim tuanlo hi.

Ahoih nasep khempeuh kideihpih kimlo a,

Ahoih geelna khempeuh zong kitangtun kimlo hi.

Thuhoih khempeuh kizanuam pah tuanlo a,

Thuman khempeuh kithu kimpih pah tuanlo hi.

Na khempeuh in hunneiciat a,

Hunleni in ngaktuam paihtuam neituan lo hi.

Suahni nikhat sihni nikhat paunak om a,

Suahlesih kikal nangawn hoihtak azangsiam tamtuanlo hi.

Siatna hun in hongnawk hun om a,

Hoihna hunin hongmuak hun om hi.

Siatna le hoihna kido den a,

Asia in apha zongeilo hi.