Koi ci bangin kisikkik ding

Na mawhna san siamin. Na mawhna te na san siam theih na dingin-
Kiniam khit in: : Na ki sikkiknop taktak leh Midangte na khem theih mah bangin nang leh nang zong ki khem thei na hihna phawkin. Ahi zongin Pasian ahih leh na khem zo kei ding hi. Thuman thutak a tawntung in zui zo lo na hihna ki thei in kiniamkhiatna lungsim na neih ding ki sam hi. Pasian in a tawntung in thuman hi cih phawk inla ama kammal, ama deihna bangin nuntak sawm ning ci-in na lungsim khentat in.

Na lungtang sungah Pasian om hi cih um in: :Pasian in nang hong maisak zo in, a hoihzaw nuntakna ah na kalsuan na dingin hong huh thei hi cih um in. Tua hi kei leh na khialhna te na puahphat na dingin na hanciamna te mawksuak thei hi. Gamtatsiatna te leh khialhna te kikhel ding a haksat hangin a hoih lam ah kalsuan dingin na hanciam ciangin Pasian in hong huh ding leh thupha hong pia dingin nang tawh hong om hi cih upna neih ding ki sam hi.

Nasep nabawl na te khempeuh ngaihsun in: :Na mawh na khialhna te ngaihsun kik in. Pasian mai ah mawhna te khempeuh a kibang ahi hi. Khat veivei, na mawhna, na khialhna te na gelh le cin nang adingin phattuamna hong pia thei hi. Thakhat thu in a vekin gelh ding kisam lo hi. Hun pia in hoih tak ngaihsun in gelh ding hoih zaw hi.

Na bawlkhak khialhna in bang hangin khial hiam cih ngaihsun in: :Na kisikkik ma in na gamtatna in bang hangin khial hiam cih ngaihsut ding thupi mahmah hi. Na mawhna, na khialhna hangin a khasia mite leh tua mawhna hangin na Kha in bangzah in thanem ding hiam cih ngaihsun in.

Aman ngiimna te hangin ki sik in: :Na ki sik ciangin bang hangin ki sik ka hiam cih na tel ding ki sam hi. Na Kha khantoh na ding leh a manpha nuntakna tawh nuntak zawh nading cih ngiimna tawh ki sik in. Tua lo a dangdang paulam te, ngiimna te tawh ki sikna hi sak kei-in.

Laisiangtho sim in: :Ki sikkik ding a kisap ciangin Laisiangtho sim ding ki sam hi. Tua bangin Laisiangtho na sim ciangin ki sikkikna tawh kisai Laisiangtho kammal te teel in sim in. Pasian kammal in na lungtang sungah hong lutin lam hong lak ding hi. Mihingte in mawhna, khialhna bawl i cihin lam a khialh man uh ahi hi. Lam man tot kik zawh nangin Pasian kammal, lam pi man na zon, na muh kul hi.
Mt 3: 8, 21: 32
Lk 17: 3, 24: 46-48, 5: 31-32
Acts 3: 19, 5: 31, 20: 21
Rev 3: 3, 2: 5