Kha thu sungah Picinna

Mualtung khatah Pasian thu lungngai aom zateih khat kiangah khangno khat in hi bangin thu dong hi.
Zateih pa aw, Kha thu sungah picinna cih pen bang hiam? hehpihna tawh hong gen ve a cih leh Zateih pa in,
Kha thu sungah picinna ih cih in-
1, Midangte ki khel sak nading hanciamna khawlin nang leh nang kikhel zawh nading na hanciam ciangin-
2, Midang te amau hihna bangin na sanzawh ciangin-
3, Mi khempeuh in amau muhna ciat tawh a man tek hi cih na tel theih ciangin-
4, Nusiat ding/ paihkhiat ding ki gingsa in na om ciangin-
5, Midangte tawh ki kholhkhopna ah lametna bang mah nei lo-in nang lam pan nuamna/lawpna tak tawh na piakkhiat theih ciangin-
6, Ken bang sem ka hiam cih leh nang ii nasep in nang hong lungnuam sak hi cih na tel theih ciangin-
7, Kei bangzahin pilin ciim ka hi hiam cih midang te theih dingin na lahnopna na khawl ciangin-
8, Midangte tung pan nang hong ki deih ding, hong ki phat ding deihna lungsim na paihkhiat zawh ciangin-
9, Nang leh midangte ki tehna na khawlzawh ciangin-
10, Nang leh nang lungnopna na kipiak zawh ciangin-
11, Na kisapna leh na deihna mantakin khen tel thei in na deihna pen na nusiat zawh ciangin-
12, A tung a (11) tawh a kibangin ei te in neih leh lamh, vante tung ah lungnopna te ih nusiat zawh ciangin Kha thu sungah picinna ih nei ding hi.