Hun tawh kido na

“Na khat peuhpeuh a dingin a kituak hun piak nakipat hun panin nang pen tua ading na hi pah hi.”
Lai Siangtho sim dingin hun piak na kipat hun panin nangin Pasian thu neihna/ theihna a kipan na hi hi. Lai khat peuh ahi aa, thu khat peuh ahi zongin kanin na gelh leh nangin tua thu tawh kisai in mipil misiam khat na suak ding hi. Ei ii hun i piakna tawh ki zui-in a phat tuamna i ngah ding hi.
A taktak in na khempeuh in na hun neih te hong dodo ahi hi. Social Media mahmah en leng, hun tampi beisak dingin nang hong kaikai ahi hi. Na khempeuh in na lungsim a ngah na dingin a zong vive hi.
Gelna tampi tawh a kalsuan mite sungah nangin ngimna neilo, gelna neilo in na om leh na kiim na paam te in nang hong kai kai ding hi.
Vaituam tuam tawh gamlum in a om na kiim na paam sungah nang ii ngimna gelna te a tangtun na dingin na hanciam ding ki sam hi.
Siatna ding, kiam na dingin na hun hong do te tungah pil tak ciim tak in nalehdo zawh ding kisam hi. Na hun neih te hoihtak zang lo-in na mawk bei sak leh na mailam hun ding lungkham huai ding a, na hun na zat siam kei leh na nuntakna sungah zong phat tuamna bang mah hong om lo ding hi. Na neih na hun te bang adingin zang na hi hiam? Tu pankipan hun leh nite zat siam sawm ni.