Ganhing tawh kibang

Ganhing tawh kibang:  -------“Thungen lo aa an ne te in ganhing tawh bang hi” ci hi. (St. Dominic Savio).    Nikhat, Dominic Savio te inn ah lengla khat hong tung hi. Lengla pa in thungen lo-in annek sabuai tunga nektheih te ne pah hi. Dominic in thu ngenlo pi in an a ne a lengla pa amuh ciangin annek sabuai pan ding khia in inn mong khat ah va om hi. Tua banga aom a nu in lamdang sa in Dominic kiangah bang hangin hi ci om na hi hiam ci-in a dot ciangin amah in “thu ngen lopi aa anne, ganhing bang mi tawh sabuai khat ah tu khawm nuam keng” ci-in dawng hi. Bang hang hiam cih leh Dominic in thungen, Singlamteh ciaptehna a bawl khit ciang, Pasian tungah lungdam a koh khit ciang bekin an ane den naupang khat ahi hi.

Khat vei in zong, inn kuan an ne dingin a ki thawi lai tak un, thu ngen nailo pi-in an a nek sawm a Pa kiangah Dominic in “Ih nek ding an leh tui te Pasian in thupha hong piak nading thu ih nget nai loh pi” ci-in a pa a gen ciangin a pa in hi mah ei ci-in Singlamteh ciaptehna bawlin an nek ma thungetna a nget khit uh ciangin an nek kipan uh hi.

Misiangtho Dominic Savio in kum (4) aphak pankipan thungetna te ngahin zingsang, sun, nitak thungetna te amah bekin a ngen den naupang khat ahi hi.