Dawi mangpa khemna nam (21)

I nuntakna sungah hell meikuangpi sungah hong tun thei ahi, dawi mangpa khemna te nisim i za den hi. Tua te in-
1. Hih mawhna hi kei. Lunghihmawh ding hi kei.
2. Pawlpi in eite hong honkhia kei.
3. Leitungah thuman thutak om kei.
4. Dawi cih bang om kei.
5. Eite khempeuh pen Pasian tanu/tapa i hi aa, i vekpi in hotkhiatna i ngah ding hi.
6. Pawlpi khempeuh in Pasian kiang hong tun hi.
7. A zenzen in Pasian in nang tawh om khawm tawntung in nang hong hehnem den ahih leh bang hangin ama gen, thuman thutak zuih kul ding hiam?
8. Pawlpi lamlahna, makaihna te tawh i ki tuam leh eite in kimanna neilo mi i hi ding hi.
9. Nang sangin mawhna a bawlzaw mite kiangah bang hangin mawh sut ding.
10. Siampite khempeuh in gamtat hoihlo aa, amaute in sum a ding ahih nak leh kigingsa in om den uh hi.
11. Hi kei pumpi hi, kei teel sa hi. Ka hih nop bangin hih ning.
12. Bangmah a thei nailo naupang, bang hangin tuisawpna pia ding, a gol dong ngakin Christian a utleh ut loh dong photin tuisawpna piak ding hi.
13. Pasian in nang hong awlmawh kei.
14. Hell cihin bang mah dot kik kul lo-in na launa tawh thu na mang na dingin a ki phuaktawm hi lel hi.
15. Hell cihin thuzuite kiangpan sum ngah theih na dingin pawlpi in a phuahtawm hi.
16. Missa biakpiakna ah pai kei in. Tua in hun beisakna namkhat hi lel hi.
17. Hih in nang nuntakna hi-in midangte in nang hi hihin ci-in kuamah in hong gen ding kisam lo hi.
18. Mawhna bawl kik veve ding leh bang hangin mawh sut se ding.
19. Letthat cih pen bang ding hiam? Itna ngaihna cihin thuman ding ki sam kei.
20. Nang leh nang ki en kik in. Mawhna tampi na bawl hi. Pasian in cikmah hunin nang hong maisak lo ding hi.
21. Hi mawhna te bawl lai lel ni cin, bang hangin kisikkik ding
cih bangin dawi mangpa kammalte phawkin.

Catholic thuzuite aw, i nisim nuntakna sungah dawi mangpa hong khemnate lungsim pilvang takin pelhin i nuntakna a hoih penin zanghin Pasian kiangah ciah kik ni.