Catholic

Catholic ka hihna in-
A lianbel Siampipa (Pope) hang hilo hi.
Cadinal hang in zong Catholic thuzui asuak ka hi kei hi.
Siampi, Nungak Siangtho, Pasian nasem te, Decon te hangin Catholic thu a zui ka hi kei hi.
Amau nuntakna a piakhia missionary te hang zong hi lo hi.
Zateih Siampi, Nungak Siangtho te hang hi lo hi.
A hangsan thuzuite hangin Catholic asuak ka hi kei hi.
Leitungah a sau/lian pen kipawlna lianpi hangin Catholic a suak ka hi kei hi.
Mihing nuntakna sungah hehpihna nasepna te ah aki piakhia ki pawlna khat peuhpeuh ah ka ki hel manin Catholic a suak zong ka hi kei hi.
Nu Pawlpi ahih manin Catholic a suak ka hi kei hi.
Missa biakpiakna, kikhop/thungetna te ah nopcitak in la a kisak manin Catholic a suak zong ka hi kei hi.
Mel nam tuamtuam puantual te, laibu te, Pasian tau te, lasakna munte cih bangin a kipuah ahoih thei thei na te a om manin Catholic a suak ka hi kei hi.
A hoih mahmah Pope pa omna sang pi, Siadaw huang te, Biakinn pi te, Siampi sinna sang te, Zato te, Siampi inn te, tagah sangte hangin Catholic a suak ka hi kei hi.
Tua hi leh bang hangin Catholic suak?
Catholic ka suahna in eite ii asiangtho Topa Jesu mahmah in a phuahsa Pawlpi ahih man hi. (A dang dang pawlpi te in mihingte phuahsa pawlpi hi.)
Catholic ka suahna in nungzuipite pan hong kizom, khat bek ahi, leitung vannuai tawh a kisai, a siangtho Pawlpi ahih man hi.
Catholic ka suahna in Kha Siangtho Pasian leh Lai Siangtho te tungtawn in Pawlpi a cing a kem, Pawlpi makaite lamlahna hang hi.
Catholic ka suahna in a siangtho Tonu Maria, Misiangtho te leh Pasian vantungmite ii palai sepna, thu ngetsakna te a om man hi.
Catholic ka suahna in mawhmaisak na, misiangtho te tawh ki pum khat na thupha, thawhkikna cih te om in tawntung nuntakna a om man hi.