Biakinn sungah numeite in dial a khukna

Numeite in Biakinn sungah mawhsut dial a khukna in amau hoih nading, a ki lat phadiak nading hilo hi. Pasian kiangah a lungsim uh a tun nading ahi hi.
Numei khat in Biakinn sungah dial a khukna in amah bang zahin siangtho hiam cih a lahna hi lo-in Pasian in bang zahin siangtho hiam cih lahna hi.
Biakinn sungah dial khukna in kiphatsakna hi lo-in, Pasian tungah zahtakna lah na dingin numei khat adingin kiniamkhiatna khat ahi hi.
Biakinn sungah dial khukna in Pasian om hi cih thu theihna leh biakinn sungah Pasian teeng hi cih lahna lim ahi hi.
Dial khukna in Siangtho Pumpi san ciangin Topa Jesu tungah itna leh lungnem na lahna ahi hi.
Dial khukna in Topa Jesu pahtawina tawh numei khat ii cihtakna leh picingna ahi hi.
Numeite in dial a khukna in amaute’ siangthona tawh si leh sa lungsim a siangthona lahna ahi hi.
Dial khuhna in Pawlpi sungah bek hi lo-in, a hun hun ah numei picing hihna tawh omding hong phawksak zong ahi hi.
Numeite in dial a khukna in hangsanna leh cihtakna lahna hi. Bang hang hiam cih leh numei pawlkhat te in dial khu nawnlo uh hi. Numei khat in thuman thutak a sep ciangin tua thuman adingin thapiakna tampi kisam hi.
Missa biakpiakna sungah dial khukna in Topa Jesu adingin hehnepna a pia tawh ki bang hi. Bang hang hiam cih leh Topa Jesu ii maitang, dial tawh nulsakin a hehnem ahi Veronica tawh ki bang hi.