Biakinn pai-in

Bang bang dinmunah na om zongin Biakinn pai in.
Kiteenna Sacramentu na sanma in na lawmngaih nu/pa tawh na omkhawm phial zongin bang bang hileh biakinn ah pai in.
Guihtheih khamtheih tawh a kidiah mi khat na hiphial zongin bangbang hileh Biakinn ah pai in.
Zannitak in zan thapaai zukham in na om phial zongin bang bang hileh Biakinn ah pai in.
Nangin koi cibang silehsa kithuahna deih na hi hiam cih na telcian kei zongin bang bang hileh Biakinn ah pai in.
Nang in a kihhuai gamtat khat peuhah na zongsang phial zongin bang bang hileh Biakinn ah pai in.
Biakinn cihin….
A thanem te, supna angah mite, khiatna neilo mite, lungsim palaang mite, lungkia mite, nawlkhinna a thuak mite ii zato hi.
Mawhnei mite khempeuh in nuntak maban a neih mah bangun Misiangtho khempeuh in zong amaute ii a beisa nuntakna ah apiang ngei thu cih om ciat hi.
Na khat peuhpeuh ih lunggulh denna leh na khat peuh peuh ii hong tuamcipna pan koi ci bangin ih suakta ding hiam cih leh thungetna bek tawh ki suakta zo hi.
Biakinn sungah mikhat peuhin ama ii abeisa nuntakna tawh kisai in na khat peuh peuh a mudah lo mi om lo hi.
A tawntung in ki khial lai ding hi. Ahi zongin Pasian thupha in eite adingin kicing hi.
Ei leh ei cikmah hunin i pulaak noploh mawhna cih om ciat hi. Tua pen Pasian in thei hi. Ahi zongin Pasian in hong it veve ding hi.
Kisikkikna cihin kah thapaihna hilo in ih ki khel ciang bekin a ki sikkik i hi pan hi.
A zenzen in Biakinn pai ding na ki thawi leh--
A beisa hun in bang bang nasem khin zongin
Tu laitakin bang bang nasem zongin
Mailamah bang bang nasem nuam zongin
Na nuntakna hong ki khel ding hi.