Ave Maria thu ngetna ii thusim

Ave Maria thungetna in thungetnate sungpan a masa pen hi. Topa Jesu in mihing suahna a laakma in Vantungmi in a nget thungetna hi. Christian a om ma in hih thungetna om khin hi.
Ave Maria thungetna in a tawntung in, a ki ngen kikkik thungetna khat hi. Kha Siangtho tawh a kidim Tonu Maria in a genkholh ahi, “A khang akhang in mite in kei thupha ngah nu hong ci ding uh hi” a cih kammal kicing sak hi.
Ave Maria thungetna in a etteh huai pen leh ettehna tam angah pen thungetna hi. Bang hang hiam cih leh hih thungetna in kicing hi.
Ave Maria thungetna in vaang nei mahmah hi. Topa Jesu ii min pen lunglut takin ki ngaihsun den ahih manin vaang nei mahmah hi. Hih thungetna in eite ii ih suah hun pan ih sih hun dongin phat tuamna hong pia hi. Mihing khat ading a nunung hun a hoih na ding thupi zaw hi.
Ave Maria thungetna in Tonu Maria in Topa Jesu apiak thungetna hi. Lourdes, Fatima khua te ah a kilahlai in “Ka Topa Jesu aw…ko te mawhna hong mai sak in..” cih ahoih mahmah thu ngetna pen Khi thungetna khat vei man sial in nget dingin Tonu Maria mahmah in hanthawn hi.
Tua ahih manin Khi khin ding awlmawh lohna te pil vang takin ih pelh zawh nang han ciam ciatni.