Velankanni Cidamna Tonu Pawi, St. Mary's Cathedral, Kalaymyo (8.9.2024)

Tuni St. Mary Cathedral ah cidamna Tonu Suahni Pawi Missa Biakpiakna pen Kalay Diocese hongcing hongkem Bishop Felix makaihna tawh kibawlin Hakha Diocese acing akem Bishop Lucius Hre Kung in kha-an vakna nei ni.
         Missa Biakpiakna sungah Bishop (2) Siampi (12) leh thuzui mipi tulnih val pha dingin ki lamen hi.
       Msgr. John Khup makaihna tawh Novena hun sungin mawhsutna leh healing service zong kibawl hi. 
       Missa Biakpiakna pen nitak nai (4:00) in ki panin hun man ciang Tonu tunga kamciam Laikhakte halna, Tonu Lankhai khiatna, lungngulh thupha te ngah nang kidekna tawh khukdinsa in Biakinn sungah lutin thupha sanna cih te akipan Coconut hawmna cih te ki nei hi.
         Tua khitteh Siadaw te, Siampite, Nungak Siangthote, Siampi Sin Sangnaupangte leh Nungaksiangtho sin sangnaupangte nitak an vakna ki nei hi.
       Tu kum pen gamsung buaina tawh Tonu lim vakpihna ki neilo hi. A hi zongin Biakinn huangsung teng ah noptak in pawi kibawl thei ahih manin ih Biak Topa Pasian tungah lungdam hi.