Tukpeng siam Leonal Messi

Messi in leitung bup Tukpeng ki demna ah tu kum tawh (5) vei a ki mawlna hi aa, amah pen leitung bup tukpek siam te lak ah khat ahi hi.
Messi in Tukpeng kimawl siam khat ahih ban ah Pasian thu a um mahmah khat leh Tonu a beel mahmah khat ahihna pen ama gamtat, kampau nate pan ki mu thei hi. Tukum leitung bup tukpeng ki demna ah gualzawhna angah khit teh Interview a dongte kiangah Messi in a dawngkik na ah hi bangin gualzawhna angah na pen Pasian thupha hi ci hi. Tua banah ama pumpi tungah Tonu Maria a beel den ahihna lim suai in a lahkhiatna ih mu thei hi.
Tukpeng siam Messi in leitung bup tukpeng ki demna a ki pat ma in Tonu tungah kiciamna khat nei hi ci hi. Tua ki ciamna in a zenzen in hih leitung bup tukpek ki dem na ah Argentina in a zawh leh Arroyo Seco a om ama inn pan San Nicolas’ Biakinn om na ciang khe tawh lamsiau in ka pai ding hi ci hi. San Nicolas’ pen Messi te teenna khua pan tai (24) kim sau aa, Rosario khua gei ah om in Tonu suangbuk om na mun zong ahi hi.