Pope Francis in Siampi suahna za apiak ding sung pan Italy Tukpeng siam lak ah apa ngei khat kihel

A lianbel Siampipa Francis in hong tung ding April 25 (nipi) ni ciangin Siampi thak 9 Siampi suahna za pia ding aa, tua te sungah kum (28) apha nidang in Film Director sem ngei in, tukpeng suihna ah zong apa ngei khat kihel hi. 

Tua khangno pa ahi, Samuel Piermarini in 2010 kumin kum (17) nuaisiah tukpeng suih kidemna ah Italy tukpeng suihsiam te lak ah aki mawl khat hi aa, A.S. Roma khangno kimawlna ah kungpang khat zong ahi hi. Tua bangin khangno kimawlna te ah a kihel khit ciangin amah leh amah Siampi suak dingin Pasian sapna angah lam a kitel na thu anulepa te kiangah gen aa, 2011 kum, April 25 ni, Good Shepherd Nipini in Redemptoris Mater Seminary ah lut hi. Tu-in ahih leh Roma Diocese ii Siampi dingin Pope Francis in St. Peter Basilica biak innpi ah a dang sanggam (8) te tawh Siampi Ordination pia ding hi. “Tua ni hong tung meng leh ut ta ing” ci-in Samuel Piermarini in Vatican thu ki zaksakna zumpi tawh thudotna ah gen hi.

Pope Francis khut tung pan Siampi Ordination ngah ding te lak ah 3 in Rominia, Columbia leh Brazil gam te pan hi aa, adang teng pen Italy gam pan hi-in a vekpi un kum 26-43 gual te ahi uh hi.