Pope Francis damlohna pan nuamtuam ta

Gemelli Zatopi inn tung cial sawm na pan in Nipi ni Angelus ngetna leh mipite muakna. Photo: Credit

Pope Francis  nuamtuamta

July 4 ni-in a Lianbel Siampi Pa Pope Francis pen gilsung lam dam lohna hangin Rome aa om Gemelli zatopi ah (operation) ki-atna nei aa nili a cin ni July ni 8 ni-in Vatican thupuakin nuamtuamta ci-in genkhia hi. A beisa nipi zawh nithum (Wednesday) ni-in Pope Francis in Leitung mun tuamtuam aa om mipite' itna leh thunget saknate hangin lungdam kohna thu Twitter kizopna tungtawnin pulak hi. 
Leitung Biakna lam makei pawlkhat leh kumpi lam thunei President pawlkhatin zong Pope Francis cidam na a hong ngah kik mengmeng nang leh a thunget sakna uh laikhakte zong a ngahna thu kiza hi. Pope Francis in "ki lemna leh ki-itna bawldingin a kiciamna pen cidam in hoih tak a zawp theih nading Pasian kiangah thunget sak ciatni" ci-in zong president khatin mipite hong cial hi. 
A beisa Nipi ni 11.7.2021 ni-in Pope Francis in a omna Gemelli Zatopi inn tung cial sawm na pan in Nipi ni Angelus ngetna leh mipite muakna nei hi. Mipite thunget sakna  leh panpih nate zong lungdam kohna nei aa, amah in zong hamsatna thuak aa keep a kulte aa ding thunget sakna nei hi. A lungdam huai mahmah thu khatah Pope Francis pen nuamtuam deuh ta a hih manin zatopi-ah ni tam om nawn lo dingin Vatican thupuak in hong genkhia hi.
Thuzui a kuamahpeuh in zong a Lianbel Siampi Pa in pumpi cidamna hong neih kik mengmeng nading leh a tuunote Pasian deihna bangin hong makaih zawh nading thunget sak ciat ni cih a ki hanthawn phapha hi hang.

Add new comment

4 + 0 =