Pope Francis in ‘hehpihna leh ki thutuakna neih nading Buddhist leh Catholic te hanthawn

Pope Francis leh Buddhist siadawte ki muhkhopna.

Pope Francis in Buddhist te sam in Catholic thu zui te tawh khut ki len in mihingte, a diakdiak in acimawh mite leh mi te nawlkhinna a thuak mite tungah hehpihna neih na dingin hanthawn hi. Hi thu pen Pope Francis in June (17) ni-in Thai gam pan a pai, Buddhist leh Catholic Pawlpi Makai te tawh Vatican ah a kimuh lai tak un a gen ahi hi.

Tua ki muhna ah Pope in upna a ki banglo, Pawlpi te ki kum khop na ding leh khut ki len khop nang, a diakdiak in leitung leh i innkuan te in lauthawngna tuamtuam a thuak hun in na sep khop nang, a dahhuai mahmah thu in mihing nuntakna in lunggimna thuakin, leitung in zong suksiatna thuakin kahna aw te mun tuamtuam pan ki za hi. Buddha leh Jesu Christu in huaihamna paltan ding hoih takin tel uh hi. Huaihamna in ki tot kisel na leh ki simmawhna te piang sak hi.

Tua ban ah Pope in Buddha ii thu hilhna kammal te a ki gawmna ahi Dhammapada siksan in ‘thuman lohna te pelh nang, thuman thutak te no suah sak nang leh i lungsim ngaihsutna te a siangtho in koih ding a kisapna te gen in, tua mah bangin Topa Jesu in zong a nungzuipi te kiangah ‘Note thu ciam thak kong piak in note khat leh khat ki-it un. Ken note kong it bangin note zong khat leh khat na ki-it un’ (Jn 13:34) ci-in thu ahilhna, tu in eite vaipuak in i nungzui ahi i thuzui te in thuman thutak te tel tak in a muh nang un i hilh nang, tua thu man in eite khempeuh in unau sanggam te i hih na, hih thuman thutak ii lamlahna hangin eite in ki thukhat in mihing te, a diakdiak in azawngkhal te, nawlkhin a thuak mite tungah hehpihna leh itna tawh khoi ding hi hang ci-in tua lai a pai Pawlpi palai te kiangah gen hi.

Hi bangin Vatican ah ki muhkhopna in Pope Paul VI leh a zahtak huai Somdej Phra Wannarat te ii ki muh khopna kum (50) cin phawkna ni zong ahi hi. Tua Pawlpi Makai nih te in 1972 kum, June 5 ni-in ki mukhawm uh hi. A zahtakhuai Somdej Phra Wannarat in kumzalom (17) hun in Thai gam ah Budish te ii a zahtak mahmah uh Phunggyi khat ahi hi.
Pope Francis in a thu gen na ah kum (50) sung, Pawlpi nih kikal ah ki kupkhopna leh sep khop na te khangto mahmah hi ci-in phatna gen hi. Tua ban ah a beisa kum (50) lai aa, Pawlpi nih ki muh khopna ah Pope Paul VI in a gen thu pen tu a Pawlpi palai te kiangah gen sawn hi. Tua kammal in ‘ei te in a thuthuk kha lam khantoh na, gamtat hoihna ii manphatna te zahtak in, hi thu manpha te in note ii amanpha mahmah ngeina ii hong piak ahihna, tua manphat na pen kote in zong thupi sa in note in tua te a kem cing te na hih na uh ka tel uh hi. Tua manphatna te kep cing nang tha piak ding zong kote in kong panpih nuam uh hi. Eite ki kal ah tua bang mah in ki thutuak in ki kupna leh sep khopna te a khang toh semsem na dingin sem suak zo dingin ka lam en hi” ci-in gen hi.

Tua ban ah Pope Francis in 2019 kum, November 20-23 hun in Kawlgam ah tuu cing khualzin hong pai lai-in a lamdang leh a angtanghuai mahmah muakna/vaidawnna te angahna thu zong gen hi. Tua vaidawn na ah Thai gam aa Budish siadaw te sung pan a zahtakhuai siadawpi (33) ki hel aa, amaute tawh Budish thuzui (60) zong ki hel hi. Amaute tawh a ki bangin Thai gam pan Catholic palai te zong ki hel hi.

Add new comment

7 + 12 =