The Poor Clare Sisters & Fr.Philip En Mang Welcomed the New Born Child

At St. Paul’s Church, Sakollam (20.12.2020)

Poor Clare cih minpua Nungak Siangtho te pen AD 1212 kum in St. Clare of Assisi leh St. Francis of Assisi te nih kipawlin a phuatkhiat uh ahi hi. Hih Nungak Siangtho kipawlna pen a thanem, a zawngkhal leh innkuan sung nangawn ah bawlsiatna a thuak, a hehpih huai numeite, lampi man a tawnlo numeite a kipuah phat na ding, andiak diak in numeite a khantoh na ding cih ngimna tawh a kiphuan khia a hih manin mangkam in (the Order of Poor Ladies) zong ki ci hi. Amaute pen tu-in leitung gam tuam tuam ah kizel in (2011) kum ciang dong gam (75) ah om in Nungak Siangtho vekpi gawm (20000) tul sawmnih val bang pha hi. Ei Kawlgam ah pen ei kiang cih loh mundang ah om nailo in ei Kalay Diocese sung, Tedim Parish, Lailo khua ah nung kum (2019) pan in hong om in eite kiangah Pasian na hong sem uh hi. Amaute Pasian nasepna a tangzai sem sem nangin thungetsak ciat ni.