Pastoral Visit of Bishop Felix at Sakollam (20.3.2022)

Sakollam Parish Priest Rev. Fr. Phillip En Khan Mang makaih siamna tawh March 19, 2022 ni-in Kalay Diocese hongcing hongkem Bishop Felix Lian Khen Thang pen Tedimmyo, Sakollam ah Parish mintawh annek pihna nei uh hi.

Hih annek pihna pawi ah Siadawpa, Siampite, Nungak Siangtho te leh Pawlpi makai pan mun len teng vekpi gawm vekpi (100) kim kipha hi. Sakollam aa om Thuhilhsiapa in hun bawlna sungah “Siadawpa pen Sakollam ah lambang bekin hong pai thei zel hi mah ta leh tutungin Zantam in Sacramentu te hongpia thei ding cih thu ka zak uh cingin nakpitak in lungdam in Pawlpi mintawh ankuang umm khopna ding a vaihawm ka hi uh hi. Kote in tu laitak aa ih thuak hatsatna teng hangin Pumpi taksa leh Kha lam ah thanem in ka om laitak un Siadawpa leh Siampite hong pai thei nahih manun nakpitakin lungdam ung” ci-in a lungdamna thute hong pulaak khia hi.

A zingcing (March 20, 2022) nipi ni-in Christmas Hanthohna (Khasiangtho piakna) Sacramentu sanna pen naupang (80) kimin ngah uh hi. Christmas Hanthohna a sang naupangte pen Sakollam bek pan hi lo-in Parish sung khua tuam tuam pan zong kihel uh hi. Chrsitmas Hanthohna a sang naupangte zong Inntek Siampipa Rev. Fr. En Mang vaihawm siamna tawh Certificate bawlin, Siampilian (Siadawpa) in laisutna (sign) a bawl khit banah, amah mah in naupangte piakna nei a hih manin naupangte in thangah thei mah mah uh hi.

Covid leh gamsung buaina te hang tawh mipi noptak in a kikhop hun tam nailo a hih manin, thuzui mite in thangah mah mah in Biakinn dimval in hong kikhawm uh hi.