Asia Gambup Pawlpi Khantohnang Siadawte leh Palaai Teng Thu Kikupna February 24, Ni-in Bangkok ah Missa Biakpiakna tawh Kipan

Asia Gambup Pawlpi Khantohnang Siadawte leh Palaai Teng Thu Kikupna February 24, Ni-in Bangkok ah Missa Biakpiakna tawh Kipan

***********

Bangkok Gam Banbuwan a om (Myochetu Inn) a kici laihawm khiatna innpi pen Bankok Catholic Siampi lian uksungah a thupi mahmah Pawlpi thu tawh kisai tentan piakna innpi hi-in, tua mun ah (Feb.24—26) ni dong Asia Gam khempeuh pan kikai khawmin Pawlpi khantoh nang thukikupna om ding hi.

Thu kikupna sungah a ki helding palaite pen Gam tuamtuam aa om Siadawte kipawlna 17 pan vaipuak a neite, Catholic Siadaw kipawnna pan Siadaw 2, Asia Siadawte Kipawlna bulpi ahi (FABC) gam 29 pan palai Siadawte kihel uh hi. Hih thu kikupna sungah Cardinal 6 leh Siampi Lian uk 5, Siampi lian 18, Siampi 28, Nungak Sianghto 4 leh thuzui mi 19 kihel uh hi.

Asia gampen a lianpen leh mitam pen gamte hi aa ngeina kibanglo, kampau kibanglo leh minam kibanglo tampi tak leh biakna tuamtuam tawh thupha ngah gamte ahi uh hi. Christian Biakna pen Asia gam sungah a tawmpen himah tase leh khat leh khat ii ngeina leh thupitna te pen Pawlpi aa dingin vangneihna khat ahi hi. Upna, manphatna leh limlehmel a ki bat loh hangin mihing nuntakna sungah kizopna tuamtuam in Asia mite pen kipum khat sak thei hi. Pasian, ei leh ei, kim leh paan, leitung bup tawh kipawl khopna in Asia gam ii a manphatna leh kipum khatnate hong kilangsak hi. Hamsatna tampi kawmkalah hih Pawlpi khantohnang thu kikupna pen Catholic Biakna aa dingin a man pha mahmah thupha leh ki puahphatna hun hi ci-in ki ngaih sun hi.

Bukno khat tawh aki bang pawlpi ii limlah na sungah mikim a tentheih nading lungsim a picingsak munkhat ahi hi. Ki lang neihna, daihna omlona leh gentheih zawngkhalna a om hangin Pasian Khasiangtho a omna mun khempeuhah Pasian inn bukno kilamzo hi cih kilang sak hi. A thupi penpen in, Pasian innbukno ah mikhempeuh aa dingin mun om in, kuamah pampaih lo hi. Hih thu sungah hunkhat lai-in hong ki pampaih cih a ngaihsun mite in tu-in a muanhuai a kip bukna innpi in hong ngaihsun ta uh hi. 

Pawlpi ahi Pasian innbuk pen Pasian mihing hongsuahna pan in eite laizangah Pasian in tua innbuk honglam hi cih hongphawk sak hi. Tua ahih manin Asia gam sung aa om Catholic Pawlpi ahi Pasian innbuk pen Pasian leh ei, ei leh ei sungah ki muhkhopna, ki pumkhatna inn hong suak ding hi. Tuhun ciangin tuisawpna sungah kipumkhatna hangin hih innbukpen ei mau aa ahih lam hong theitel sak sawnsawn lai hi. Hih thu kikupna in kipawlna tuamtuamte ki gawmkhawm in kalsuankhopna ii a thupitna te hong thei sak aa, pawlpi khantohna zong hong musak ding hi.

Hih pawi aa hongpai paalai tengin nasep khop thei nang, thunget khop theina hangin ahoih khentel theihna, a ki leekkim sep leh bawkte khempeuhah phat tuamna hongpiak theihna dingin ngimna leh geelna te hongbawl ding uh hi. Hongpai ding ni 3 sungin paalai hongpai ten amaute ii ki kholhkhopna sunagah nopna leh a phutkhak thute uh a hi zongin a thuakna, muhna leh theihna te tungtawn in, mailam kalsuan zia ding te hong hawmkhia ding uh hi. Tua thu kikupna ah Asia gamsung aa buaina hongpia thei pulnatna tawh a kibang kilemlohna, kensanatna bangin Siampite ii Pasian nasepna hong thanem sak thu, Khangnote khantohna hong khaktan thu, Gentheih haksatna sung hong tun den thu te leh (Clericalism) a kici Siampite thuneihna valzatkhak loh nang cih thu te tawh kisai-in kipuah phat zawh nang kikum pha mah mah ding uh hi. 

February 24 ni zingsang ciangin thu kikupna kipatna Missa Biakpiakna pen Japan Gam aa om, Tokyo Sidawpi Pa ahi Archbishop Tarcisio Isao Kikuchi SVD leh (FABC) Secretary General ii makaihna tawh ki bawl ding hi.

Hih Asia Continental Synodal Assembly- Asia Gam Siadawpite thu kikupna in leitung gambup mi zatam te lak ah a Tonkhawm, Khualzin in a pai khawm Pawlpi ih hihna thu hong ki lang sak sem sem dingin Lametna ki nei hi. 

 Translated from https://bangkok.synod2023.org/

    By Fr. Joseph Zo Mung

 (RVA Tedim Chin)