Los Angeles Archdiocese sung aa om Siadaw David O'Connell (69) in thahna thuak

California's Hacienda Heights khanglam Los Angeles Archdiocese sung aa om Auxiliary Bishop David O'Connell (69) in February 18 ni sun naikhat hun in a mi ki theilo khatin thau tawh kaplum hi. A thu a kikan san laitak hi.

Bishop David pen Ireland ah 1953 kum in suak aa, Dublin aa om All Hallows College pan pilna siamna a man khit ciangin Archdiocese of Los Angeles aa ding June 10, 1979 kum in Siampi suak hi. Pope Francis in Archdiocese of Los Angeles ah Siadaw dingin June 21, 2015 kum in a teel khat ahi hi.

Amah in Los Angeles ah siampi leh Siadaw hihna tawh kum 45 sung Pasian na semin Tonu Maria tungah zong itna leh zahtakna a nei mahmah khat hi ci-in Archbishop José H. Gomez in pulak hi.

Camarillo aa St. John's Seminary pan Los Angeles mipite leh Pawlpi aa ding a hanciamna hangin a beisa September kha in Evangelii Gaudium cih pahtawina a ngah khat ahi hi.

Bishop David in U.S Gam Catholic mipite khantoh nading aa Siadawte kipawlna Subcommittee ah zong makaipi a sep laitak ahi hi.

Ama kha in Vantung gamnuam a ngah na ding leh a nusiat a innkuampih, pawlpite leh a dah a kap mi khempeuh tungah ih Biak Pa Pasian in upna muanna leh hehnepna a piakna dingin thu ngetsak ciat ni ci-in hih RVA pan kong cial hi.

R.I.P. to Bishop David.

By Mr. Anthong Piang.