Khangnote Thusinna (July 6-9,2022)

Khangnote Thusinna

Sts. Peter & Paul Biakinnpi Kalaymyo ah Khangnote Pasianthu sinna pen July 6 ni pan ki pan in July 9 ni-in nuamtakin kiman siang hi. Khangnote pen kum dang bangin Biakinn ah zantamlo a hih manun Zingsang in inn pan pai-in nitak in ciah kik uh hi.

Hih Pasian thusinna hun sungin Rev. Fr. Maximian Pau Sian Mung (PP of Sts. Peter & Paul), Rev. Fr. Joseph Pau Lian Kham (Youth Director), Rev. Fr. Andrew Go Khan Nang (Director of KMSS), Dr. Khaino, Mr. Tuangpu (Engineer) leh Sts. Peter & Paul Parish sunga om Thuhilhsia teng in nithum sungin hun khat tek hilhin a nilini teh Khangnote in hih khangnote Pasian thusinna tawh kisai-in etkikna (Evaluation) bawlna leh thu kikupna te nei uh hi.

Hih Khangnote Pasian thusinna ah Khangno vekpi (95) pha uh hi. Hih Sts. Peter & Paul Parish sunga Khangnote Pasianthu sinna pen kum danga te bangin nasia takin ki bawl theilo, lenkohpna leh lasak na, kidemna (Social Games) tuam tuam te a om zawh loh hangin, a hun zui-in a hoih thei pen dingin a ki bawl a hih manin Khangnote in thangah mahmah uh hi.

Hunsiat kawmkal panin nuntakpih ding Pasian thute Khangnote in sinthei uh ahih manin ih Biak Topa Pasian tungah lungdam ko ni.
By- Fr. Joseph Zo Mung (KOSC Director)

Add new comment

5 + 5 =