July kha sungaa Pope Francis Thuthak Pawl khat

A lianbel siampipa Pope Francis’ zato tembaw tawh Covid-19 hamsatna tuakte huh

Hih tembawpi in alamdang na tampi sem khin zo hi. Ngun dung aom mi te cidam na leh lametna khuavak puak khin zo hi. Zatui, zaha te pua in Amazon ngundung aom mi te kiangah pai in huhna pia a, zatui tawh bawl ding aki sam mi (70000) te acing akep zawh kum khat bang pha ta hi. Latin American Siadaw te ki pawlna website aa dot na a dawngkik na ah, Bro Sawsa in hih zato tembaw pi pen tu laitak a pulnatna do na dinga a ki puahpha kik hi ci hi. Tembaw a zui te in gam mi te tungah cidam na tawh ki sai thu te gen na, a kisap a leh huhna te zong pia pah hi. Letmat 32 asau tembaw tungah cidam na lam nasem 23 pa uh hi. Tembaw sungah thukikup na khan, ki at na khan, nat na zong na khan, za tui khan, kakuaisi sut na khan te leh dat haina, ha tawh kisai natna et na te zong behlap uh hi. Pasian vaihawm sak na tawh Brazil saklam ah Pasian nasem ahi saya Bernardo Bahlmann leh Franciscan Sister te huh na tawh nasepna tangzai mahmah hi. Hih zato tembaw in 2019, July kha pan kipan Amazon ngundung aom, cidam na lam ah huh ding a ki sam mi tampi te lawhcing tak in huhna pia hi.

A Lian bel Siampi pa in a ma khut nuai a om  Social Sciences sang ading in Pawlpih  (member) thak tel

A beisa July ni 10 ni-in A Lianbel  Siampi pa Pope Francis in Chili gam mi Pedro Morande’ Court, Italy gam pan Mario Draghi, Nigeria gam pan Kokunre Adetokunbo  Agbontaen Eghafona te Social Sciences sang ii Pawlpih thak (member) dingin vaipuak piak na nei hi. Hih sangpen A Lian bel siampi pa  Pope John Paul (II) in 1994 January kha ni 1 ni - in hong hi. Hih sang hon na angim na in Social Sciences lam lai hoih tak kan tel theih na ding leh khan toh theih na ding a diak in Sum bawl sum zuak na/ Taangpi nuntakna lam sinna/ thu khun vai leh gamvai tawh ki sai theih tel na aneih na ding hi. Hih sang pan aa sin ding a tung a thulu te a ki hilh na hang in pawlpi sung ah pawlpi thu hilh na te mailam hun ah muibun tak sep khiat theih na ding hi.

Pope Francis in Brazil gam Zato aa ding Huihdiikna set pia

A lian bel Sianmpi pa Pope Francis in Covid-19 pul natna aveite zat theih ding ventilator leh thermometer Brazil gam aa Campanha de Maraba zato ah piakhia hi. Hih piakkhiatna tawh kisai in Brazil gam aa Siadaw pa in, hih van ten mihing tampi nuntakna tampi hun zo ding ahih manin Pope pa itna te lungdamkoh kawm in aki sam mahmah munte ah zang nung cih zong gen hi.

Sri Lanka gam aading Siadaw Thak kitel

Sri lanka gam ii khuapi ahi Columbo Diocese aa Cardinal Malcolm Ranjith a huh ding Fr. Anton Ranjith Pillainayagam tungah July 13ni-in Pope Francis in Siadaw za pia hi ci-in Vatican news ah kigelh hi.