Asia Bishopte Kipawlna Khawmpi Thailand (FABC General Conference)

Tu laitak Asia Bishopte Kipawlna Khawmpi (Federation of Asian Bishops' Conference (FABC) General Conference) pen Thailand Gam, Baan Phu Waan Pastoral Centre, Bangkok ah Oct.12 nipan in a om hi aa, FABC kipawlna a om zawh kum 50 cin pawipi zong a bawl ahi uh hi. Hih FABC kipawlna aa a kihelpen Gam 26 bang hi aa, tua Gam 26 pan in Cardinalte, Siadawte, Biakna nasem makai tuamtuamte mimal 200 bang (deligates) ki khoppi ah kihel thei uh hi.

A beisa Oct.12,2022 ni-in FABC President ahi H.E. Charles Cardinal Bo in hih ki Khoppi leh Pawipi hun honna nei hi. Oct.13-29 kikaal pen Siadawten’ a mau muntek aa thu leh la tuamtuamte pulaakna leh meeting tuamtuamte nei uh aa, Pasian thu lungngaihna zong nei thei uh hi. Thu kikupna pawlkhat om laiding aa, FABC kipawlna leh Pasian nanepna a tangzai semsem na dingin geelna leh kipsaknate zong nei ding uh hi.

Oct.30 ni ciangin Misa Biakpiakna tawh Pawipi khakna ( Closing Eucharist and Ceremonies ) pen Pope Francis in a ma tang aa a sawl H.E. Luis Cardinal Tagle makaih na tawh om ding hi.

A beisa hun aa thungetsak nate lungdam koh kawm-in, a hun neih laite uh ah Pasian Kha Siangtho in ompih in Asia Gam khempeuh leh Leitung buppi-ah kilemna leh ki thutuahna a piangsak, Pawlpi leh mipi phat tuam nading, Pasian Gam a tangzai semsem na ding thu ngen ni. Hih Pawi a paikhawm mimal khat ciat in zong a mau muntek cidam lungnuam takin a tun theih tek na dingun thungetna sungah phawkni cih a ki hanthawn phapha hi hang. Lungdam.

Mr. Anthony Piang