"Itna in a vanglian mahmah khat ahi hi, nuntakna hongpia in, hamsat gentheihna ih tuak hun ciangin zong lametna tawh hong ki dimsak hi."
“Na it, na ngaih khat pen nusia ngei kei in. Na lungnopna zong mawk beisak kei in. Banghang hiam cih leh nuntakna in mitphial bang hi lel hi.”
“Kipawlna khat ii a thupit ziapen aki tangsam mite a panpihna uh leh neih leh lam bangmah a neilo te tungaa a gamtat zia uh tawh ki tehthei hi.”
“Pasian kammalin eite’ suahtakna leh lungsim hoihlohna pan kikhel kikna anei dingin hong sam hi.”
“Ih Christian nuntakna sungah Pasian hong itna leh hehpihna khuavakin hongtuam den na dingin Topa tungah thungen ciat ni.”
“Nuntakna a hamsat kawmkal pan in, ih upna tha khauhin lungnuam tak ih om theih nang Pasian kiangah thungen ciat ni.”
“Bawlsiat simmawhna a thuak numeite pen kipawlnate in panpih in a hamsatna te uh ahuh zawhna dingun thunget sak ni.”
“Nuntakna sungah eite khualzin mi ih hi hi. Pasian deihna zui ciat ni! Jesu tawh tonkhawm leng kaamsiatna, hamsatna leh maimialna omlo ding hi.”
"Ih innkuan sungah Pi teekte leh Pu teekte pen a ki nawlkhin leh a ki pampaihte bang hi kei ta hen. Amaute in ih minam aa dingin mi manpha mahmahte ahi uh hi."
“Jesu in Leitung buaina khempeuh pan gualzawhna a neihna dingin amahmah in vaipuak nei hi. Hih pen eite in zong midangte vaipuak ci-lo in, thu khenlo aa hehpihna tawh pawlbawlin Pasian itna sungah ih om khop ding hi zaw hi.”
Sign up to our newsletter and get latest news and updates straight to your inbox!
