"Ih pianthak theihna dingin ama sa pen in ei leh ei mawh mah ing ci aa hotkhiatna ngahna dingin hanciam na kisam hi. Pumpi ki deekna nei-in eite ih pianthak ding kisam hi.
"Hamsatna khempeuh in hong tuam cipna pan in ih nuntak theih nading Jesu nung ih zuihna tawh kisin ni. Hamsatna cih pen khat hongveng leh khat hongtung ahi hi."
"Leitung nate na lungngaih theih kei leh midangte hoihna, na sanggamnu na sanggampa' hoihna zong na ngaihsun thei kei ding hi."
"Sianthona ih cih in Pasian hong itna leh ih sanggamte hong itna pan hong om ahi hi. Midangte leh ei leh ei ki san siamna in upna pan aa hong piangkhia itna ahi hi."
"Mihing khatin maizum theihna lungsim a neih kei leh lungsim tawh thu khensatna neilo aa, midangte zahtakna zong neilo hi. Amah pen a maizum huai ahi hi."
"Gupkhiatna tangthu khempeuhpen Pasian in ei mihingte hong kepna hi-in, a itna hong lahna leh hongsapna thute ahi hi."
"Misiangthote ih cih in kat veivei eite tawh a ki lawmta dingin hongzawnte ahi uh hi. Misiangthote huhna beel in thungen cihpen itna ih lahna hi aa tua in eite tawh pumkhat hong suaksak hi."
"A etlawm leh melhoihna ih cih in mihingte hanciamna kisam hi. Liimlangh maiah kizem in nai bangzah sung om na hiam? Kizem ki puahna pen a sia hi peuhmah lo hi, ahi zongin nusian tawh kibang lo-in, a ngeina bangin ih om ding kisam hi."
"A thuman Pasian in ih nuntakna adeih hi-lo aa, a khongin nuntakna hongpia hi. Pasian in eite gualzawhna hongpia hilo-in itna ih neih ding hong hilhna hi zaw hi. Pasian in naupangte ahong ngen hi-lo aa, A Tapa hongpia ahi hi."
"Eiten Jesu ih angpom leh midangte pen ki niamkhiatna leh muanna tawh ih sang zo ding hi. Tua ciangin hamsatna leh ki lemlohna in hongkhen zolo dingaa, ki liat sakna leh ki bawlsiatnate zong hong om nawnlo ding hi."
Sign up to our newsletter and get latest news and updates straight to your inbox!
