"Jesu in ki-itna thukham hongpia zo aa, Tua in Pasian tungah itna neih ding leh midangte tungah zong ih sanggamte bangin itna neih ding ahi hi. Pasian in ei mihingte tungah tua itna pen khahsuah ngeilo hi."
"Pasian pen eimau pumpi sungah hong nungta aa midangte in ei tungtawn in Pasian a muhna, Pasian tapa leh tanute ih hihna dingin thungen ciat ni."
"Hehsuak luatna pelhin. Kiniamkhiatna leh lungduaina tawh a kidim mi na hih nang han ciam in."
"Upna ih cih pen Pasian Kammal phawk aa tua Kammalin ih lungtang sungah hong lung muangsak, hotkhiatna tawh nuntakna hongpia, hong siangtho sak, hong keem leh hong thak suahsak khat ahi hi."
"Eima thahatna tawh Jesu cih bang Christian ahi dingpen baihlo hi. Tua ahih man in nisim aa ih ngetding thu khat om hi.
"Pasian ih lungsim sungah ih phawk kei leh ei mau mah zong beimang in, a mawkna ki suak aa: Laisiangtho sung aa mi haupa bangin maipha ki nei lo hi."
"Midangte’n haksatna te a thuakzawh nading leh a kantan zawh na ding un huhin panpih in."
"Ih lungsim sungah Pasian ih ngaihsut kei leh na khempeuh pen a beimang lel aa, kei cih leh ka nopsak nading cih tawh beimang hi. Ih nuntakna zong beimang lel hi."
"Neih leh lam, Sum leh paai, leitung nate in ih nuntakna hong luah ciangin ih mihing hihna ki mansuah aa, tuate in ih nuntakna zong hong uk uh hi."
"Pawlpi pen ki-itna, mawh ki maisakna, ki lawmtaakna, lametna leh Pasian Kammal tawh kituak aa nuntakna mun hita hen."
Sign up to our newsletter and get latest news and updates straight to your inbox!
