"Pasian in eite a hong itna dingin kiphal ciatni, tua hi leh eite in zong itna ih piathei ding hi. Dingkhia in Jesu hong hotkhiatna thu a kizel sak dingin tha sialkei ni."
"Topa Pasian' siangtho Nu aw, na lim na vang beelin kong thum uh hi. A phamawh a kong nget ka kisap uh hehpihnate hong nial kei inla, lauhuaina khempeuh tawh hong kipelhsak tawntung in, siangtho nungak Maria aw."
"A thu man, ih kisap bulpi leh ih nuntakna ding eite in ih phawk kik nangin a kisam ahi hi. Tua banah baih tak aa ih seph theih dingte telcian in seph khiat ding zong a kul ahi hi."
"Pasian in thunget ding, ann tan ding leh midangte tungah phat tuamna bawlding bek hong gen hilo in, mi hoih kineih khemte hi loin, upna leh itna tawh ih sepna dingin zong hong sawl ahi hi."
“Topa’ pen nakhut khakin ki lensak tawntungin. Tua hi leh Amah in nang hong khahsuah lo ding hi.”
"Topa Jesu in amah a ki nongkai sakding ki phal lo hi. Bang hang hiam cih le Pasian pen a um te in ze-et ngei lo bek tham li-in, Pasian i a hoihna leh phatna te bel-in zuan zaw uh hi."
"Khat veivei ih nuntakna sungah khitui luan nate pen Jesu ih muh theihna dingin agam lapi et theihna van (telescope) ahi hi."
Vuahun ih cih in Pasian Kammal aa dingin mun piak ding a thupi penpen hun ahi hi. "TV en nawn lo-in Lai Siangtho sim ding hun hi ta hi. Phone te tawh kizom nawn lo-in Pasian Kammal tawh ih ki zop hun hi ta hi."
"Vua hun ih cih pen kiphatsakna lungsimte pan suahtakna ding a hun hi. Zongsatna hoih lote beisak hun hi-in, Ih lametna te khahsuah lo-in om hun ahi hi."
“Pasian kiangah mawhmaina ngetding kihta kei-in. Ih mawhnate hong maisak nading tawl ngei lo hi. Pasian pen hehpihna tawh kidim hi.”
Sign up to our newsletter and get latest news and updates straight to your inbox!
