"Singlamteh khat tungah sihna a thuakna hangin Pasian itna ei mimal kim tungah hong tung hi. Eite in amah ki en sak tawntung ni.
"Topa Jesu mitsuan in a om khat in thupha bawlding ngaihsun in nungta hi. Midangte sep ding ngakse lo-in, veng leh paamte en-in kuankhia uh hi."
"Na nuntakna sungah Jesu a hong om leh bangmah kihtak ding om lo hi."
"Pasian maipha zongin ih nuntak leh hih leitungah ni topni dongin hong gual zawhpih ding hi."
"Na it, na ngaih khat pen nusia ngei kei in. Na lungnopna zong mawk beisak kei in. Banghang hiam cih leh nuntakna in mitphial bang hi lel hi."
Ei leh ei thahatna tawh hi thei lo in, Jesu leh ama hehpihna bek mah muanding ahi hi.
"Itna in a vanglian mahmah khat ahi hi, nuntakna hongpia in, hamsat gentheihna ih tuak hun ciangin zong lametna tawh hong ki dimsak hi."
“Neih leh lam, sum leh paai hauhna te in mihingte a uk hi lo zaw in, mihingte phattuamna ahih theih na dingin kong hanthawn hi.”
"A sanggamte keem in itna alak mi-in Pasian tawh nuam sa khawm ding uh aa, keem lo-in a ki theih mawh bawl mi-in Pasian deihna tawh a kipelh ahi uh hi."
Sign up to our newsletter and get latest news and updates straight to your inbox!
