TOPA JESU IN PAWLPI A PHUATCILNA (AD 30-33)

Topa Jesu Christu' Pawlpi i cih pen Biakna ukpipa’ uksung leitung buppi-a om Christian thuzuite khempeuh ahi hi.
Lam khat panin Vantung gam, Leitung, Meikuang neu, tuateng Pawlpi khat ihi hi. Pasian ahi, Topa Jesu, mihing hong suak-a, leitung ah hong pai hi. Amah in mihingte a honkhia ding, mi Khempeuh vantung gam lampi hong lak ding le a dik aman Pawlpi hong phuan khia dingin hong pai ahihna Thuciam thak in teltakin hong lak hi.

Lungdamna Lai Siangtho in hong gensa mah bangin, "Amah in ama nung a zui mite le amah a nial mite ci-in khen nihin hong khen ding hi,” (Mk 4 11) Akhen masa pen Tuuhon ci hi. Ama nung a zui mite’ lak pan mi 12 hong teelkhia-a, amaute' kiangah,"Leitung-a na hen khempeuh uh vantung ah kihen ding hi. Leitung-a na phel khempeuh uh vantung ah kiphel ding hi,” (Mt. 18: 18) aci hi. Tua bangin khihna henna le pheina ding thute
a pia hi.
A tawpna ah, "Note, leitung mun khempeuh ah pai unla, mihingte
khempeuh tungah lungdamna thu manpha va tangko un, " (Mk 16: 18) ci-in thu a piak khit ciangin vantung ah a kah hi.