Tonu Maria dahna phawkna ni. (15.9.2022)

Tonu Maria in a ta pa Topa Jesu gim thuakna ah Topa Jesu tawh a ki bangin a thuak khawmna leh Kha thu lamah Martyr khat ahih na thu lah na in Tonu lungtang natna pawi a ki pawl ahi hi. Tonu lungtang natna pi nam 7 om hi ci-in ki ciamteh hi. Tua te in—
1. Simeon in mai lam thu ding a gen kholhna (Lk 2; 34-35)
2. Igypt gam ah a tai na (Mt 2; 13-15)
3. Naupang Jesu biak inn sungah amang na (Lk 2; 41-48)
4. Topa Jesu singlamteh pua in Calvary mual ah apai na (Jn 19; 17)
5. Topa Jesu singlamteh tungah a sih na (Jn 19;30)
6. Jesu luang hawm Tonu in a tawina (Jn 19;
7. Topa Jesu luang a vui na (Mt 27; 57-61/ Mk 15; 42-47/ Jn 19;38-42/ Lk 23;50-56)
Hih pawi pen 1668 kum in Tonu tanu te cih kipawlna pan hong ki pan a, tua pan 1814 kumin, Pope Pius VII in leitung bup ah bawl ding kipsak hi. Tonu Maria in atapa Jesu gimthuakna sungah a ki helna thu lah na in Tonu lungtang natna pawi pen singlamteh gualzawhna pawi ni ii a zing ciangin ki bawl hi. Hih Tonu lungtang natna nam 7 tawh a kinai pen ki zop na lahna in Tonu Maria pahtawi na in sani-ni (ki gingni) pen Tonu ni-in ki ciamteh hi.

Hehpihna tawh a kidim Nu aw…ko te adingin thu hong ngetsak tan.