Tal, Muk leh Awm tungaa Singlamteh ciaptehna ih bawl ìn bang khiatna nei hiam? 

Photo Credit_Michael Sei Kanan

Missa biakpiakna sungah Siampi te in Lungdamna Laisiangtho a sim ma simding Laisiangtho min a gen kawmin atal, amuk leh a awm ah singlamteh ciaptehna bawl hi. Tua mah bangin mipite in zong "Topa Pasian aw, nang tungah phatna om ta hen,'' ci kawmin ih tal, ih muk leh ih awm ah singlamteh ciaptehna ih bawl hi. Tua ih bawl te akhiatna in;

1. Tal - Tal tungah singlamteh ciaptehna bawlna in; aki sim ding lungdamna laisiangtho ka um hi cih limlahna hi. 

2. Muk - Ih muk tungah singlamteh ciaptehna bawlna in; Lungdamna Laisiangtho te kam tawh tangko khia ding cih lah na hi. 

3. Awm - Ih awm ah singlamteh ciaptehna bawlna in; Pasian hongpiak lungdamna thu te ka lungtang sungah ka kem cing hi cih lahna hi. 

 

Tua a hih manin ei Catholic thuzuite in singlamteh ciaptehna ii a thupitnate hoih tak ngaihsun kawmin Missa biakpiakna sungah lungdamna thu te ngai ciat ni. 
Ih upna tawh kizui-in nungta kalsuan in a thei nai lo te tungah zong lungdamna thu hawm khia ni.

Thulakna : (ထန္းဟာ) SJ, #ThanghaSJ

Lai let kik : RVATedimChinService

Add new comment

3 + 5 =