A Siangtho Missa biakpiakna ii a lamdang vangliatna nam (14)

1. Na sih kuan ciangin nang hong hehnem pen pen in na nuntak sung tawntung aa na kah a siangtho Missa biakpiakna hi.
2. Na kah ngei Missa biakpiakna te in Pasian thukhen na ah nang hong ompih ding aa, mawh maisakna na ngah na dingin hong panpih ding hi.
3. A siangtho Missa biakpiakna te in mawhna hangin thuak ding, leitung mawhna dan pan noptuamna hong ngahsak ding hi. Missa biakpiakna na kah tawh ki zui-in leitung mawhna dan kiam tuam ding hi.
4. A siangtho Missa biakpiakna ah lungluttak leh zahtakna takpi tawh ki khopna in Topa Jesu ii mihing hihna zahtakna a pia ih hi hi. Hoih takin Missa kahna in na kicin lohna/ na thanemna lian pen ah hong panpih hi.
5. A siangtho Missa biakpiakna ah hoih takin na kikhopna hangin na mawhna neu te pan mawh maisakna na ngah ding hi. Tua mawhna neu te in bang teng hiam cih leh na phawk khak loh leh na mangngilh mawhna te ahi hi. Hoih lohna te’ hong tuamcipna pan in zong suah takna hong ngah sak hi.
6. A siangtho Missa biakpiakna ngetna tawh gimna neu sunga om, thupha ngahsa kha te in hehnepna lianpi ngah uh hi.
7. Na nuntak sungin zahtakna tak tawh Missa kah le teh na sih khit ciangin nang ading hong ki bawlsak hoihna phatna tuam tuam te sangin nakpi takin thupha om zaw hi.
8. A zenzen in a siangtho Missa na kah kei leh lau huaina, tuahsiatna tuam tuam te ki thuak kha thei aa, Missa ih kah leh tua lauhuaina tuam tuam te pan ki suakta hi.
9. A siangtho Missa biakpiakna in gimna neu sungah na kiat ding thu hong kiam sak hi cih phawk in.
10. A siangtho Missa biakpiakna khempeuh in vantung gamah na vangliat nading ahi hi. Missa biakpiakna sung pan vantung a om Pa Pasian in thu apiaksa ahi Siampi te’ thupha na sang ding hi.
11. Missa biakpiak na hun sungin mit tawh a ki mu thei lo, Misiangtho te tawh a kibangin nangin “Siangtho hi, Siangtho hi” ci-in la a sa na hi hi.
12. Missa biakpiakna hangin na nasepna, na vai khempeuh ah thupha na ngah ding hi.
13. Misiangtho te khat peuh peuh na pahtawina tawh Missa biakpiakna na kah leh Misiangtho te ii hong huhna hangin Pasian tungah lungdam ko in. Ei te in Misiangtho te huhna, kepna leh itna te ih ngah banah amau thupha hangin lungnopna ih ngah hi.
14. Nisim a ki bawl Missa biakpiakna sungah Missa ngen te ngimna te leh Misiangtho te pawini te ah amaute a pahtawi zong ih hi hi.