Pumpi Immune System (ကိုယ်ခံစွမ်းအား)aading a kisam Vatamin D, Vatamin C leh Zinc

Tuhun natna tuamtuam a om mah bangin pumpi tung akisam tha om nading nek leh dawn ih nek theih ding zong kisam hi. Tukal cidamna tawh kisai in Immune System aading akisam Vitamin pawlkhat thu hong hawm khia ung.

Pumpi tungah Vitamin D ii nasep zia

Leitung mihing tampite’ si sungah Vitamin D kisam den hi. Cilehsa a vom, nisa ngah phalo, kumtam khin te leh pumpi tungah akisamlo thau a tamlua cih te-in Vitamin D kisam phadeuh thei uh hi. Vitamin D in pumpi Immune system kikim sak in, cibawk kiamsakna tha zong nei ahih manin pumpi tungah ahoih immune system ngah sak hi. Immune system ahoih sak ban ah thahaat sak aa, natna lungno te asisak dingin pumpi tungah kisam pelmawh hi. Ih pumpi sungah Vitamin D tawm leh immune system in nasem zolo aa, natna kingah baih hi. Tua banah Vitamin D in pumpi sungaa tuap nasepna thahaat sakin huih diikna tawh kisai natnate pan hong dal sak hi.

Pumpi tungah Vitamin C ii nasep zia

Vitamin C in Immune system aading a thupi White Blood Cells (WBC) te nasepna thapia hi. White Blood Cells (WBC) te nasepna te thahaat sak ahih manin pumpi tungaa natna lungno te hawlkhiatna ah huh hi. Immune System hoih sak bek hilo in lutangna cisa cih bang natna te ih ngah leh zong damsak kik pah lel hi. Vitamin C in pumpi tungaa Antioxidant a kici dat khangte a hong dal sak dat te khangsak hi cih kimu khia hi. Antioxidant pen Immune system athahat sak molecule te ahihi.

Pumpi tungah Zinc ii nasep zia

Zinc dat in Immune system sungaa thazangte’ khandan leh nasepnate ah athahaat sak ahih manin pumpi aading akisam mahmah khat ahi hi. Pumpi tungaa natna lungno dona dingin zong tha pia hi. Buukvei, cisa cih natna te zong sawtna sak lo aa, cibawk natna kiam sak thei ahih manin natna laigil neih nading pan zong dal hi.

Sources: Dr.Z