Leitungbup Sikhum Natna Ni (World Diabetes Day Nov.14)

Zunkhum/ Sikhum natna i neih loh nang ban ci kidal ding cih thu (World Diabetes Day Nov.14) Hih November 14 ni pen Leitung bup sikhum natna ni a hong pian khiatna in kum 2007 Leitungbup ki muhkhopna pan aa thukimna tawh hong piang khia ahi hi. A thupi penpen in hih natna hangin leitung buppi ah asi mi tam mahmah a hih manin mailam hun ah sikhum natna a om loh nading pilna pia in, zatuizaha tawh a hun lap in ki bawl ding lunggulhna zong ahihi. Zun khum si khum natna pen kidal khol thei hi. Natna i ngah ma a, ki dalna in a hoih pen zatui hi acih mah bang in i neek i dawn leh lungkhamna te khiam in, hi leng, hih zun khum nat na pan in, ki dal khol thei hi ci hi. Pawl khat te zong bel a nu, apa, agui zui in, a nei zong om hi. Sikhum natna hangin pumpi tungah a piangthei hoih lohna te pen mit khua muhlohna, kaal siatna, lungtang kisai man lohna leh muk leh kha lingling cihte piang thei hi. A hing zong in bang ci ki dop ding leh ki dal ding i hiam cih tawm gennuam hang. A khum lua, a al lua, sathau tam lua ne lo ding, meh teh meh gah tampipi ne ding leh tui minsa, a siangtho tampipi dawn ding ci hi. Tua ban ah pumpi tungah thau atam ten, a gik na, lb kah sak lo ding leh, khamtheih guihtheih a diakdiak in muam theih (Khaini, Sahdah etc.) ahi zongin zu leh zatep te tang ding hi. lungkhamna, lung hih mawhna a tam luat ciang sawt vei leh zunkhum sikhum piang nuam hi ci hi. lungkham nate ki mangngilh sakin, ki lung nop sak kul cih na hi. Cidam nang ki mawl na khat peuh2, nisim in bawl ding hi lam siau (walking)na , khua ul luang in na sep nate khat peuh2 bawl den zo leng zunkhum natna 58% dal zo hi ci hi. Tu hun ciang mi atam zaw pumpi tungah aki sam lo thau te tam semsem a hih mah bang in, pumpi tungah thau atam lua te pen zunkhum sikhum neih nang (%) tam zaw hi ci hi. A hi zong in a gawng khempeuh in zong a nei lo hi tuan lo hi. A gawng hang in, a sung thau lua te zong tua nat na piang thei veve ngah thei ve ve uh hi. Tua a hih manin den a ih cih mah bang in, zun khum natna dal na dingin, a khum lua, a al lua leh sathau tam lua nekna, te ki dawm in ki mawl na tuamtuam te lak ah khua ul luanna ding a hi zongin, na khat peuh pueh sep nate tawh zun khum nat na pen ki dal khol thei hi. Zunkhum/ sikhum natna ih theih nang (vucPm) pen , sii kia gawp, gim baih, tawl baih, mi saang khua ul tam luang zaw, zun suaksuak, tui duhduh dang taaktaak cih te ih pumpi tung hong piang ding hi. Hih zumkhum/ sikhum thu tawh kisai ih genna hangin mipi ten akidal khol thei leh aneisa ten dam tuamna a ngahna hi dingin lam et hang. Topa Pasian in akua maciat natna khempeuh pan dam siangna thupha hong pia kim ciat ta hen. Lungdam hi.

#Diabetes, #RVA, #KalayDiocese, #Health, #Cidamna,