Pasian thusin Naupangte tungpan Tonu Pahtawina La (May 31, 2023)

Rev. Fr Bosco Pau Bukphil Parish Siampi Pa, Rev. Sisters te leh Thuhilh Sia Pa vaihawm na tawh May Kha sung St. Mary Biakinn huang sung Tonu buuk mai-ah nisim in khi khin in, Tonu pahtawina leh thungetna nei den uh hi. 

 May-31,2023 ni pen Tonu Pahtawina hun a tuam phadeuh in nei uh aa, Nitak 6:00 PM in Khi khin kipan in, Tonu Litany, Tonu la sakna te nei uh hi. Tua khit ciangin Tonu Pahtawi na (Cultural Program) huntom no khat bawlin naupang ten lamna, lasakna leh a muh nop dang atuam'' te tawh tonu pahtawi na bawlin thalawp thei mahmah uh hi. 

 Naupang zong tam mahmah uh aa, thangah huai mahmah hi. Hun khempeuh aman siangteh Siampi pa vai hawm siam natawh mipi a pai khempeuh Tonu ann a lim mahmah nek na zong nei uh hi. Tonu thupha hi ci-in a om mipi khempeuh in gilvah takin an nekna neih in, Pasian tung leh hong piakhia Siampi Pa tungah lungdam mahmah uh hi. Kha thahat nading leh Pumpi taksa cidam na, thahat nading in a vaihawm a sem a bawl mimal kim tungah a zah tampi in i Biak Topa Pasian in na thuh kik sak ta hen. 

Honggumpa Nu aw, Kote a dingin thu hong ngetsak ta in.

Ki lemna Kumpi Nu aw, Kote a dingin thu hong ngetsak ta in.

Christiante hong huh Nu aw, Kote a dingin thu hong ngetsak ta in.